بلوچستان کې تېره میاشت ۱۸ پاکستاني پوځیان وژل شوي

187

د بلوچستان ازادي غوښتونکو جنګیالیو تېره میاشت پر پاکستاني پوځیانو د شل بریدونو په ترڅ کې د دوی ۱۸ پوځيان وژلي دي.
نوموړې ډلې د یو راپور په خپرولو سره ویلي، چې تېره میاشت یې پر پاکستاني پوځیان خپلو بریدونو ته زور ورکړی او تر دې وروسته به لا هم د پاکستان د پوځیان پر وړاندې خپلو بریدونو ته دوام ورکړي؛ ترڅو خپلواکي ترلاسه کړي.
د بلوچستان د ازادي غوښتونکې ډلې ویاند ګهرام بلوچ ویلي، چې په یادو بریدونو کې د پاکستان د مرګ ډلې دوه تنه وژلي، او زیاته کړې یې ده، چې په یادو بریدونو کې ډیری پاکستاني  پوځیان یې ټپي کړي دي.
دغه راز د راپور له مخې، بلوچ جنګیالیو په یادو ۲۰ بریدونو کې د پاکستاني پوځیان د ډیری وسلو او مهماتو له منځه وړلو په ګدون د زونګ چینایي مخابراتي شرکت وسایل یې هم تخریب کړي.
باید یاده شي، چې پاکستاني پوځیانو په بلوچستان کې پر ملکي وکړو خپلو بریدونو او تاوتریخوالي ته زور ورکړی، چې د بلوچ جنګیالیو له ځوابیه بریدونو سره مخ کیږي.

Comments are closed.