ملي دفاع وزارت: تېرو ۲۴ ساعتونو کې ۲۰۵ طالبانو ته مرګ ژوبله اوښتې

150

افغان امنیتي او دفاعي ځواکونو تېرو ۲۴ ساعتونو کې د هېواد په بېلابېلو ځایونو کې د طالبانو پر وړاندې چاڼیز عملیات او پر یادې ډلې هوايي بریدونه ترسره کړي، چې په ترڅ کې یې ۲۰۵ طالبانو ته مرګ ژوبله اړولې.
له ملي دفاع وزارت څخه په خپره شوې خبرپاڼه کې راغلي، چې یاد عملیات په ننګرهار، خوست، مېدان وردګ، لوګر، پکتیا، غزني، ارزګان، بادغیس، هرات، غور، سرپل، فاریاب، بغلان، کندز او هلمند ولایتونو کې ترسره شوي، چې په پایله کې یې ۱۲۶ طالبان وژل شوي او ۷۹ نور ټپیان دي.

د سرچینې په خبره په وژل شویو طالبانو کې یو شمېر مهم بهرني ترهګر هم شامل وو، چې یادې ډلې ته یې په بېلابېلو برخو کې روزنه ورکوله.

په خبرپاڼه کې دغه راز راغلي، چې په یاده موده کې له طالبانو یو شمېر وسلې او مهمات هم د افغان ځواکونو لاس ته ورغلي او ګڼ شمېر نور یې تخریب شوي دي.

باید یاده شي، چې تېره ورځ هم د هېواد په ۱۶ ولایتونو کې د افغان ځواکونو له لوري له ۲۲۶ طالبان وژل شوي وو.

Comments are closed.