له افغانستان څخه پنځوس سلنه امریکايي سرتېري وتلي

117

له افغانستان څخه د امریکايي سرتېرو د وتلو پروسه پنځوس سلنې ته رسېدلې، چې ښايي له وخت مخکې بشپړه شي.
د امریکايي پوځ مرکزي قومنداني په خپلو تازه څرګندونو کې ویلي، چې د دوی د سرتېرو د وتلو پروسه په چټکۍ سره روانه ده او تر پنځوس سلنه یې خپل سرتیري او تجهیزات له افغانستان څخه ایستلي دي.
سرچینه کاږي، چې امریکا به پر دې وتوانیږي، چې تر ټاکلې نېټې خپل ټول سرتیري له افغانستان څخه وباسي.
دوی ویلي، چې د امریکايي سرتېرو تر وتلو وروسته به هم له افغانستان سره په نظامي برخې کې خپلو مرستو ته دوام ورکړي.
باید یاده شي، چې له افغانستان څخه د امریکايي سرتېرو پر وتلو نړیوال هم اندېښمن دي؛ ځکه لا هم افغانستان کې ترهګریزې ډلې فعالیت لري.
افغانستان کې د طالبانو له لوري د تاوتریخوالي کچه لوړه شوې او هره ورځ سلګونه ملکي وګړي وژني.
دغه راز طالبانو هم اعلان کړی، چې د امریکايي سرتېرو تر بشپړ وتلو پورې به  د خپلو بریدونو کچه لوړه کړي.

Comments are closed.