کریس الکسانډر: پاکستان په افغانستان کې د اوربند مخالف دی

118

افغانستان کې د کاناډا پخواني سفیر کرس الکسانډر پر خپله ټویټر پاڼه لیکلي، چې افغانستان کې د جګړې اصلي لامل پاکستان دی او یاد هېواد نه غواړي، چې افغانستان دې امن وي.

نوموړي ویلي، چې طالبان له شل کلونو را په دې خوا د پاکستان په غېږ کې پراته دي او یاد هېواد یې افغانستان کې د جګړې لپاره هر ډول ملاتړ ته ادامه ورکړې او اوس وخت کې یې له طالبانو هم غوښتي، چې اوربند ونه کړي.

الکساندر همداشان زیاته کړې، چې اوس وخت را رسېدلی، چې پاکستان باید په افغانستان کې پیل شوې نیابتې جګړې ودروي او د یو ښه ګاونډي رول ادا کړي.

باید یاده شي، چې دا لومړی ځل نه دی، چې الکساندر د پاکستان پر وړاندې دا ډول حقیقي څرګندونې کوي؛ بلکې نوموړي تر دې وړاندې هم ویلي و، چې پاکستان د طالبانو لپاره په خپل کور کې ځانګړي روزنیز مرکزونه جوړ کړي او له هغه ځایه هره ورځ افغانستان ته منظم جنګیالي لیږي.

Comments are closed.