اروپايي ټولنه: طالبان د افغان سولې لپاره طرحه نه لري

155

له افغانستان څخه د امریکايي سرتېرو له وتلو سره سم باید د افغان سولې خبرې چټکې شي؛ خو طالبان لا هم هېڅ طرحه نه لري.
د افغانستان لپاره د اروپایي ټولنې سرپرست استازي ټوماس نیکلاسون په اسلام اباد کې له رویټرز خبري اژانس سره د خبرو پر مهال ویلي، چې دوی د افغان سولې د پڅ بهیر په اړه اندېښمن دي؛ ځکه طالبان لا هم هېڅ ویلو ته نه لري او د تاوتریخوالي کچه یې لوړه کړې ده.
نوموړي ویلي، چې طالبان دې نور وخت نه ضایع کوي؛ که چېرته د اسلامي امارت غوښتنه هم لري؛ نو د طرحې پر وړاندې کولو سره دې خپلې غوښتنې مطرح کړي.
نېکلاسون ویلي، چې طالبان باید دا فکر له خپل سر څخه وباسي، چې د زور له لارې به واک ته ورسیږي.
نوموړي خپلو خبرو کې پاکستان ته هم ویلي، چې پر طالبانو دې له خپل نفوذ څخه په ګټې اخیستنې فشار راوړي، چې د افغان سولې په اړه خپله طرحه وړاندې کړي.
نېکلاسون دا هم ویلي، چې ښايي طالبان د اسلامي امارته د غوښتلو سره یوازې یوه افراطي طرحه وړاندې کړي.
د ده په وینا، طالبان باید د سولې خبرې چټکې کړي او د افغان حکومت سره دې یوې هوکړې ته ورسیږي؛ ځکه د امریکايي سرتېرو د وتلو پروسه تر نیمايي هم اوښتې ده.
ده زیاته کړې، چې افغان حکومت رښتینی دی؛ ځکه طالبان سوله نه غواړي او هېڅ وړاندیزونه هم نه لري.

Comments are closed.