ناروې کې په غشو او لینده سمبال بریدګر پنځه کسان وژلي

151

Armed police on the streets of Kongsberg after an attacker opened fire on people with a bow and arrow

د عکس تشریح،

د برید په تور یو مشکوک کس نیول شوی دی

ناروې کې په غشي او لينده سمبال يوۀ سړي پنځه کسان وژلي او دوه نور يې ټپيان کړي دي. د پولیسو چارواکي وایي چې یو ۳۷ کلن ډنمارکی سړی یې د دې برید په شک کې نیولی دی.

دا بريد د پلازمېنې اوسلو سويل لوېديځ کې وشو او دا هم لا نه ده څرگنده شوې چې بريد کوونکي ولې دا کار کړی، خو پوليس چارواکو دومره ويلي چې بريدگر يوازې و.

ځينې قربانيان يوه سوپر مارکېټ کې موندل شوي. په ټپيانو کې يو، پر رخصتۍ تللى يو پوليس افسر و چې اوس يې په روغتون کې درملنه روان ده.

د ناروې تلونکې لومړۍ وزيرې اېرنا سولبېرک دا بريد غندلى او ويلي یې دي، پوليس پلټنې کوي چې دا يو ترهگريز بريد و او که ځنگه.

نوموړې له برید وروسته یوې خبري غونډې ته وویل: “زه پوهېږم چې خلک وېرېدلي. خو باید ټینګار سره ووایم چې پولیسو اوس وضعیت کنترول کړی دی”.

بریدګر لومړی برید په یوې مغازې کې پیل کړی او هلته یو ټپي شوی کس پولیس افسر و چې دغه وخت پر دنده نه و، خو مغازه کې یې سودا کوله.

بیا بریدګر له یوه ځایه بل ته تللی نو ځکه پولیسو هم د ښار لویه برخه کلابند کړې وه چې ویې نیسي.

Armed police on the streets of Kongsberg after an attacker opened fire on people with a bow and arrow

د عکس سرچینه،HAKON MOSVOLD/NTB/VIA REUTERS

د عکس تشریح،برید چارشنبه ماښام شوی

د پولیسو مشر اویفْند آس وایي یو شکمن کس نیول شوی او داسې ښکاري چې په یوازې سر یې عمل کړی.

ځینو پولیس چارواکو ځایي رسنیو ته ویلي، داسې فکر کوي چې بریدګر له غشو او لینده پرته نورې وسلې هم کارولې دي.

Foto: Knut Eirik Gustavsen Ødegården

د ناروې د عدلیې او امنیت وزیرې مونیکا مېلند په یوې خبرې ناستې کې د پېښې جزیات ورکړل. نوموړې وویل:

” وضعیت جدي دی. ملي سرچینې مو په واک کې دي، پولیس، چورلکې، د بم قطعه او بېړنی پرسونل ژر ور ورسېدل. روغتونونه او د عدلیې او عامه امنیت وزارت د تیارسئ په حالت کې دي. د لنډمهال له پاره په ټول هېواد کې پولیسو ته وسلې ورکړل شوي. ما راتلونکي لومړي وزیر ته وضعیت تشرېح کړی. ما د کونګزبرګ له ښاروال سره هم خبرې کړي چې اړینې سرچینې پولیسو او ښاروالۍ ته برابرې کړي. دا ډېر مهم دی چې پولیس وکړی شي خپله دنده ترسره کړي او دا چې د قربانیانو نژدې کورنۍ غړي خبر کړای شي او خیال یې وساتل شي”.

بی بی سی پښتو

Comments are closed.