افغانستان ته هم د «بیزو تڼاکې» ناروغي رسېدلې؟

179

په اروپا او شمالي امريکا کې په انسانانو کې د بیزوګانو تڼاکې ناروغۍ څو قضیې ثبت سوي دي. اوس په ننګر هار کې داسي اندېښنې سته چي ګويا هلته هم د دغي شان ناروغۍ پيښه ثبت سوې ده. خو د عامي روغتيا رياست دغه آوازې ردوي.

Infektion mit Monkeypox Virus Affenpocken - 1971

آرشیف انځور

د ننګرهار ولایت د عامې روغتیا ریاست یو ډاکټر، محمد نعیم دویچه ویله ته وويل چې د کورنۍ د ۶ غړو پر بدن يې تڼاکي راپورته سوي خو فکر نه کوي چي دا دي هغه ناروغي وي چې په يوشمېر نورو هیوادونو کې پر ځينو خلکو راښکاره سوي دي.

هغه وویل: «دغه ناروغي چي اوس يې زما ماشومان نيولي دي، زما د ورو ماشومان يې هم نيولي او زموږ د ګاونډي په ماشومانو کي هم ليدل شوې.»

په ننګرهار کي د دغي ناروغۍ د خبر تر خپريدو وروسته د افغانستان د ځينو نور ولایتونو اوسیدونکو ته هم د دغي ناروغۍ په اړه اندېښنه  پيدا سوې ده.

د کابل اوسیدونکې وحیدالله دویچه ویله ته وویل: «مخکې مو د کرونا ناروغۍ یو لوی پړاو تیر کړ او ډېر خلک يې ووژل اوس که دا ناروغي دلته راپیداسي نو دا به یوه لویه انسانې فاجعه رامنځته کړي.»

خو د ننګرهار عامي روغتيا ریاست هغه آوازې رد کړې چي ګويا د دغه ولايت په يوه ولسوالي کي د بيزوګانو تڼاکي ناروغي ثبت سوې ده.

د ننګرهار ولایت د عامې روغتیا رئیس ډاکټر امیر محمد افتاب جبارخیل، دویچه ویله ته وویل: »د ننګرهار ولایت په بهسودو ولسوالۍ کې یوه نجلې د زهرا په نوم په يوې جلدي ناروغۍ اخته سوې ده چي دا د بيزو تڼاکي ناروغي نه ده.« هغه زياته کړه چي دغه نجلۍ اوس ښه ده او د دوی تر جدي مراقبت لاندي ده.

په انسانانو کې د بیزوګانو تڼاکو ناروغي تر اوسه د افريقا په ځينو سيمو کې ليدل سوې وه، خو اوس په بريتانيا، اسپانيا، پرتګال، امريکا او کاناډا کې ثبت سوي قضيې او شکمنې پيښې ښايي د لویديځې افريقا بڼه وي چې د مرکزي افريقا د بڼې په پرتله يو څه آسانه تيريږي.

په آلمان کې هم د دې ناروغۍ لومړۍ پېښه په بایرن ایالت کې ثبت سوې وه. اوس په ټوله اروپا کي د دغي ناروغۍ ۱۹۰ پيښي ثبت سوي دي. خو د روغتيا نړيوال سازمان وايي چي د بيزو تڼاکي داسي ناروغي نه ده چي ټول خلک يې په اړه اندېښنه ولري.

دویچه ویله

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.