د پير سيد ابراهيم ګيلاني د کورنۍ غړيو نوموړي سره د بد چلند د څېړنو غوښتنه کړې

122

د پير سيد ابراهيم ګيلاني د کورنۍ غړيو نوموړي سره د بد چلند د څېړنو غوښتنه کړې

د پیر سید ابراهیم ګیلاني د کورنۍ غړي په پکتیکا کې د نوموړي د نیول کېدو او ورسره د بد چلند په اړه د څېړنو غوښتنه کوي.

د چهارشنبې په ماښام په ټولنیزو رسنیو کې یوه ویډیو خپره شوه چې په هغې کې ښاغلی ګیلاني په داسې حال کې ښېي چې وسله والو کسانو نیولی او سپکاوی یې کوي.

د پیر سید ابراهیم ګیلاني د کورنۍ یوه غړي مونږ ته وویل چې دا پېښه د چهارشنبې په ورځ شوې ده.

هغه چې د موضوع د حساسیت له کبله نه غوښتل نوم یې خپور شي؛ وویل، وسله والو کسانو غوښتل چې ابراهیم ګیلاني ووژني.

وسله والو کسانو ښاغلی ګیلاني له نیولو وروسته د پکتیکا ولایت مرکز ښرنې ته بېوه او د طالبانو د امربالمعروف او نهي عن المنکر ادارې ته یې وسپاره.

خو هلته د طالبانو د دې ادارې کارکوونکو له ښاغلي ګیلاني سره ښه چلند وکړ او نوموړی یې تر ګردېز ښاره بدرګه کړ.

تر اوسه پورې څرګنده نه‌ده چې د دې کار عاملان څوک وو.

د طالبانو د حکومت ویاند ذبیح الله مجاهد دا عمل غندلی او ویلي چې هیڅوک حق نه لري چې له بل چا سره دا ډول چلند وکړي.

مجاهد دا هم ویلي چې د دې پېښې په اړه تحقیقات کېږي او عاملانو ته یې سزا ورکول کېږي.

د پیر ګیلاني د کورنۍ غړیو مونږ ته ویلي، دوی غواړي چې د دې پېښې عاملان محاکمه شي او عمل یې بې ځوابه پاتې نه‌شي.

په یوه ویډیو کې له ۷۵ کلن ابراهیم ګیلاني څخه غوښتل کېږي چې د قنود دعا ولولي، په بله کې لیدل کېږي چې له نوموړي سره تاوتریخوالی کېږي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.