سپي تر انسان د مخه فضا ته الوتي وو

تازه ګل شینواری

0 92

سپي تر انسان د مخه فضا ته الوتي وو

( عمومي په زړه پورې مالومات )
د پخواني شوروي اتحاد پيلوټ يوري ګاګارين د1961م کال اپرېل په دولسمه د فضايي بېړۍ په مرسته فضا ته الوتنه وکړه او د فضا ته د نړۍ د لومړي ختونکي انسان لقب ېې خپل کړ .
خو ښايي ډېر کم خلک به خبر وي چې د انسان تر لېږنې مخکې د پوهانو لخوا فضا ته سپي لېږل شوي وو تر څو مالومه کړي چې آېا هغوي د دغې غېر طبيعي الوتنې اړوند فشارونه زغملی او بېرته مځکې ته ژوندي راستنېدی شي او که نه .
شوروي پوهانو فضا ته د انسان تر استولو وړاندې د 1960م کال ، آګست په 19مه نېټه د بېلابېلو ازمایښتونو تر سره کولو لپاره دوه سپي په فضايي بېړۍ کې پورته وتوغول .
دغه سپي چې ېو ېې ( بېلکه ) او بل ېې ( ستريلکه ) نومېدل ؛ تر ېوې اوږدې مودې روزنې وروسته فضا ته د تګ جوګه او بېا ولېږل شول . د هغوي سفر 25 ساعته وخت واخيست او په دغه موده کې هغوي څو ځلې پر مځکې راوڅرخېدل . بېلکې او سترېلکې تر 700 زره کيلومتره اوږده سفر څخه وروسته بېرته مځکې ته راستانه شول ؛ که څه هم چې د سفر په ځينو پړاونو کې هغوي د سختو ګواښونو سره مخ شوي وو خو په پای کې هغوي په بري مځکې ته راستانه شول ، خوشاله او روغ ښکارېدل .
دغه دوه سپېو اوږد ژوند وکړ ، په خپل مرګ مړه شول او وچ شوي جسدونه ېې اوس هم د روسېې په فضايي موزېم کې ساتل کېږي .
فضا ته د دغو دوه سپېو برېالي سفر هغه لور ته د انسان د الوتنې لپاره لاره هواره کړه او د هغوي تر سفر شاوخوا اته میاشتې وروسته لومړني انسان ( ګاګارين) فضا ته د تګ موزې په پښو او د نړېوالو پر مخ ېې دغه بنده دروازه پرانيسته .
راټولول او ژباړه د بېلابېلو ساېټونو څخه

Leave A Reply

Your email address will not be published.