د نړۍ تر ټولو کم لګښته واده

0 1,027

د واده ستر لګښتونه د افغانستان په شمول د نړۍ په ډیرو هیوادونو کې کې ډېرې پېغلې او ځوانان له ودونو ځنډولي.

کينيا چې يو وروسته پاتې افريقايي هېواد دی، ډېر خلک يې د ودونو ستر لګښتونه نه شي پوره کولای، ځکه خو يوه سړي او مېرمن يې پرېکړه وکړه چې د نړۍ تر ټولو ارزانه واده ترسره کړي.
اووه ويشت کلن ويلسن او څلورويشت کلنې آنا تیر کال د واده اراده کړې وه، خو دوی ونه شو کولای چې درې سوه امريکايي ډالر پيدا کړي، تر څو د واده لګښت پوره کړي.
سږ کال دوی پرېکړه وکړه چې د نړۍ تر ټولو ارزانه واده به وکړي. نجلۍ او ځوان د واده پر مهال خپل ساده او عادي جامې پر تن کړې وې، د ټول واده لګښت يو امريکايي ډالر شو او هغه هم د هغې ګوتې لګښت و چې وېلسن خپلې مېرمنې ته اخيستې وه.
په کينيا کې د تر ټولو ارزانه واده له ترسره کېدو وروسته دغه میړه او میرمن د نړۍ د عجايبو په کتاب کې ثبت شو.

Sputnik Pashto

Leave A Reply

Your email address will not be published.