پوهېږئ داعشيان د مينې اظهار څنګه کوي؟

0 2,099

په نوره نړۍ کې چې هلک او نجلۍ واده سره کوي، يو ورته ووايي، مينه درسره لرم، ژوند درسره شريکوم، ورته ټيټ شي، مقابل اړخ يې خبره ومني او واده وشي.
په افغانستان کې مشران کښېني، پر ولور چنې ووهې، اخير دواړه غاړې راضي شي، ملا نکاح وتړي، خو پوهېږئ داعشيان څنګه د مينې اظهار کوي؟
حيران به شئ.
په مخففو توريو د ا،‌ا،‌ال په نامه يوه هسپانوۍ نجلۍ له يوه داعشي سره د خپلې مينې د اظهار او واده کيسه کوي.
دا چې د ترکيې پر پوله پوليسو نيولې ده، په لومړنيو څرګندونو کې يې ويلي دي چې په دوه زره څوارلس کې سوريې ته لاړه او هلته د محمد همدوش په نامه، پر يوه داعشي مينه شوه.
د مينې کيسې د داعش په کشتارګاه کې روانې وې او بالاخره يوه ورځ کيسه واده ته ورسېده.
دغه مهال همدا نجلۍ له داعشي ځوان څخه په ولور کې يو د ځانمرګي واسکټ غواړي او هغه د نر بچی يې هم له ريموټ سره ورته سپاري او نکاح تړي.
دا نجلۍ اوس هم ژوندۍ ده، خو دا يې نه دي ويلي چې د ځانمرګي په واسکټ کې يې څوک الوځولی دی.

سرخط

Leave A Reply