اوس دې نو د غلو لاس خلاص وي

0 841

تر دې وړاندې به درڅخه ډېر ځله غلو د جېب بټوه له پيسو او کارټونو سره يو ځای وړې وې او بيا به یې تاسې رنګ هم نه وي ليدلی، خو تر دې وروسته د غله پلار هم درڅخه نه پيسې وړای شي، نه مو بټوه غلا کولای شي.

د ارمانيا يوې کمپنۍ اوس داسې بټوه جوړه کړې ده چې که له تاسې پرته يې بل څوک خلاصه کړي، اتومات يې عکس اخلي، تاسې ته خبر درکوي او د غله عکس هم ستاسې موبایل ته لېږي.
تر دې لا د خوند خبره دا ده چې دا بټوه په جي‌پي‌ايس ټينکالوجي هم سمبال ده، که يې غل هر ځای ته يوسي، تاسې ته خبر درکوي چې بټوه اوس په کوم ځای کې ايښې ده.

دغه سمارټ بټوه ښه قوي پاور بانک هم لري، که اړتيا شوه ستاسې موبایل ته هم چارج درکوي او که مو موبایل ورک شو، هم يې بټوه درښيي چې دا مهال ستاسې موبایل چېرته پروت دی.

دا مهال د بټوې بيه يو سل او پنځه څلوېښت امريکايي ډالره ټاکل شوې، خو چې تر موږ رارسېږي، ډېره به ارزانه شوې وي.
ټاکل شوې چې دغه سمارټ بټوه د سږ کال په ډسمبر کې بازار ته وړاندې شي.

سرخط ورځپاڼه

Leave A Reply