که مو په دښته کې لار ورکه کړه، اوبه داسې پيدا کړئ

0 858

ژوند له خوږو او ترخو ډک دی، نه ویل کېږي شاید کله له داسې یو حالت سره مخ شئ چې نه اوبه وي او نه هم خواړه، بیا څه کوئ؟
راځئ نن په سرخط کې داسې یو مطلب ولولئ چې په همداسې سختو شرایطو کې مرسته درسره وکړي.

د انسان بدن یوازې درې ورځې مقاومت لري چې له اوبو پرته ژوندی پاتې شي، خو موږ لار درښیو چې په صحرا کې د اوبو له کمبود سره مخ شوئ، څه ډول یې ژر موندلای شئ.
څېړونکي وايي، په داسې حالت کې لومړی هڅه وکړئ چې د ژوندي اجسامو نښې پیدا کړئ.

داسې سیمه ولټوئ چې کوم زرغون بوټی په‌کې وي او یا هم مارغان په‌کې تر سترګو کېږي، ځکه داسې سیمې د دې ښوونه کوي چې هلته ژوندي پاتې کېدل امکان لري او اوبه شته.

همدا ډول کولای شئ چې شنه بوټي وزبېښئ او اوبه ترې په لاس راوړئ.
هڅه وکړئ چې داسې ځایونه وګورئ چې کندو ته ورته وي، ځکه شاید هلته اوبه ولاړې وي او تاسې ترې ګټه واخلئ.

که شپه درباندې راغله، یوه ټوټه تر شنه اسمان لاندې وغړوئ، ځکه د شپې پر مهال پرې پرخه تویېږي او تاسې ترې سهار ګټه پورته کولای شئ.

سرخط ورځپاڼه

Leave A Reply

Your email address will not be published.