د واورو په وطن کې د اور ۹۱ غرونه پیدا شوي

0 640

که د انټرټیکا په اړه مو لوستې وي، په دې به خبر ياست چې په دې لویه وچه کې د واورو له کبله ژوندي پاتې کېدل ناممکن دي، خو پوهېږئ په همدې براعظم کې تازه ۹۱ اور غورځوونکي غرونه کشف شوي.

څېړونکي وايي، دا ۹۱ غرونه په هغو ۱۳۸ کې شامل نه دي چې دوی ته یې په اړه له وړاندې مالومات ول، بلکې د یوې څېړنې په پایله کې موندل شوي ده.
څېړونکیو چې له دې سیمې یې لیدنه کړې، په خپل راپور کې ویلي، دا سیمه دومره یخه ده چې هر څه په‌کې یخک دي، خو کله چې اور غورځوونکي غرونه اور شيندي، لمبې ترې پورته کېږي، مګر کله چې تر ځمکې رسي، تر لږ وخت وروسته اور مړ شي.

اوس څېړونکي وايي، له دې غرونو څخه یوه وېره دا ده چې شاید هلته شته یخکونه ویلي کړي او ارام ارام د ځمکې دا تر ټولو یخه سیمه خپل جوړښت له لاسه ورکړي.
څېړونکي وايي، د نړۍ پر مخ د تودوخې له زیاتېدو سره دا وېره نوره زیاتېږي چې شاید دا یخکونه په اوبو بدل شي او هوا نوره هم ګرمه شي.

سرخط ورځپاڼه

Leave A Reply

Your email address will not be published.