که زموږ منئ، پر دې لارو مه ځئ

0 548

په نړۍ کې ډول ډول او خطرناک سړکونه شته، کاږه، کېچ مېچ، اوږده، لنډ او بلاخره اسمان څکي او ګڼ نور….. خو راځئ نن تاسې د هغو سړکونو په اړه ولولئ چې پرې سفر له خطره تش نه دی. هو دا سفر یوازې باطني وېره ده چې تاسې پسې اخلي.

ګاولنګ روډ؛
گاولنگ د نړۍ یو له ډېرو سختو تونلونو دی چې د غرونو په منځ کې جوړ شوی او داخل یې هم ډېر کوږ او کږلېچونه لري. د دې تونل جګوالی ۱۶ فټه او سور یې ۱۳ فټه دی، خو پوهېږئ چې د دې تونل تر ټولو مهمه خبره دا ده چې ۱۳ کلي یې له پنځو پېړیو راهیسې سره نښلولي دي.

لاس چاکا کولاس روډ؛
دا د چلي او ارجنټاین د سرحد ترمنځ جوړ شوی سړک دی چې ۵۵ زره میله اوږدوالی لري. دا سړک دومره له موړونو او پېچومو ډک دی چې خلکو اوس د ورکې لارې نوم ورکړی. دا لاره نږدې ټول کال په واورو پوښلې وې او ۲۰ داسې موړونه لري چې هره لحظه پرې د موټر د چپه کېدو احتمال شته.

سیاچن تبت های وی؛
د سیاچن ۱۳۳ میله بای‌پاس به تاسې د چین د سیاچن د تبت سیمې ته ورسوي. دا د نړۍ تر ټولو پورته یا اسمان څکې لار بلل کېږي چې ورته د پورته کېدو پر مهال لاندې نه شئ کتلای او سم‌لاسي مو وار خطا کېږي.

دا لار هغه مهال تر ټولو سختېږي چې کله یې تر څنګ غرونو، کندو او سیندونو ته ورسېږئ. پر دې لاره د کال د لسو میاشتو پر مهال باران او واوره اوري او له همدې کبله یې د ټرافیکي پېښو شمېر هم نسبت نورو ته لوړ دی.

اسکیپرز کینیون روډ؛
د نړۍ دا خطرناکه لار په نیوزیلانډ کې ده. د دې لارې له رغېدو ۱۴۰ کاله کېږي، ۱۶۶ میله اوږده ده. ډېره تنګه لار ده او کله چې بنده شي، ساعتونه ساعتونه به ورته منتظر پاتې کېږئ.

شمالي ینگاس سړک؛
دا سړک تر یوې غریزې سیمې تېرېږي او دواړو لوریو ته يې سیندونه دي. په کلني ډول د ۳۰۰۰ ټرافیکي پېښو په کېدو اوس دې سړک ته د خونړۍ لارې نوم ورکړل شوی دی. دا سړک په بولیویا کې دی او موټر چلول پرې دومره ستونزمن دي چې هر څوک پرې د تګ راتګ له‌پاره زړه نه ښه کوي، خو کله چې له لاندې سیمې، پورته وخېژئ، نو داسې منظرې به وګورئ چې بېرته د راکښته کېدو له‌پاره به مو زړه ښه نه شي.

سرخط ورځپاڼه

Leave A Reply

Your email address will not be published.