تر دې وروسته به روباټونه پايوازي کوي

0 368

په دوبۍ کې د روغتیايي اسانتیاوو وړاندې کوونکيو په یو فیسټوال کې داسې یو روباټ نندارې ته وړاندې شوی چې له ناروغانو سره مرسته کوي.
دا روباټ په دوبۍ کې د طبي علومو یو زده‌کړیال محمد السیریدي جوړ کړی او له ناروغانو سره مرسته کوي چې باید خپله خپلې روغتیا ته زیات پام وکړي.

دا روباټ ناروغ ته ور یادوي چې کله خپل درمل وخوري، کله او څه ډول خوړو ته اړتیا لري او ان د درملو ډوز او تر خوا یې د خوراک د بڼې په اړه هم مالومات ورکوي.
د دې روباټ تر ټولو جالبه خبره دا ده چې کله ناروغ درملو ته اړتیا ولري او له یاده یې وتلي وي، روباټ خپله ورځي او ور یادوي چې درمل وخوري.

همدا ډول روباټ د ناروغ پام دې ته را ګرځوي چې باید څه وخت ډاکټر ته ورشي او همدا ډول خپل معاینات په کوم وخت کې او څه ډول وکړي.
السیریدي وايي، دا روباټ له هغو ناروغانو سره ډېره مرسته کوي چې درمل خوړل یې له یاده وځي او همدا ډول خپلې روغتیا ته ډېر پام نه کوي.

Leave A Reply