کولای شئ اوس لمر ته خپل نوم ولېږئ

0 337

د امريکا د فضايي څېړنو ادارې، ناسا اعلان کړی دی چې خلک دې ورته خپل نومونه او اي‌مېل ادرسونه وليکي چې دوی بيا دغه نوملړ د لمر پر خوا ولېږي.
ناسا وايي، تر اوسه ورته دوه سوه زره کسانو نومونه ليکلي او دغه لړۍ لا هم روانه ده. 
د ناسا د راپور پر اساس، په را روان ژمي کې به دغه اداره د پارکر سولر پروف په نامه يوه بېړۍ لمر ته ولېږي او د نومونو ليسټ به هم له ځان سره يوسي.
ناسا پر دغه نوم‌ليکنه د لمر د ټيکټ نوم ايښی دی.

دغه اداره وايي، پارکر به تر ميليونونو کيلومټرو مزل وروسته چې په يوه ساعت کې به څلور سوه او دېرش زره ميله واټن وهي، په دوه زره، پنځه ويشتم کال کې لمر ته ورسېږي.
پارکر به چې دوه نيم زره فارن هايټ ګرمي هم زغملای شي، له لمر څخه بېلابېلو عکسونه اخلي او ځمکې ته به يې رالېږي او بيا به ناسا دغه عکسونه هغو کسانو ته په اي مېل کې لېږي چې لمر ته يې نوم ليکنه کړې.

ټاکل شوې ده چې د دغه ماموريت په پای کې به پارکر لمر ته نږدې کېږي او همالته به د لمر په لمبو ايرې کېږي.

سرخط ورځپاڼه

Leave A Reply