د ماشومانو کښتۍ ریکارډ جوړ کړ

0 290

په سکاټلېنډ کې د دوو ماشومانو په لاس جوړې شوې وړې کښتۍ له تېر یوه کال راهیسې زرګونه کیلو مټره واټن سفر کړی او نړیوال ریکارډ یې جوړ کړی دی.
هیري او اولي فرګوسن دا کښتۍ په دومره مهارت جوړه کړه چې د سمندر تېرې څپې یې هم نه شي چپه کولای او خپل سفر ته دوام ورکوي.

د کښتۍ دننه دې دوو هوښیارو ماشومانو داسې فوم یا سفنج کېښود چې دا وړه کښتۍ د اوبو پر سر پاتې شي او سفر وکړي، خو له دې بدلونونو سره سره د چا دومره هیله نه وه چې دا وړه کښتۍ به دومره سفر وکړي.
دې کښتۍ د سکاټلېنډ له پیټرهېډ ساحل څخه خپل سفر پیل کړ او څو ځله د نورو هېوادونو په اوبو کې هم لیدل شوې ده.

د ۲۰۱۷ کال په نومبر میاشت کې دا کښتۍ د سکاټلېنډ موریطانیه ته رسېدلې او اوس بیا د جنوبي امریکا په ګیانا سمندر کې خپل سفر ته دوام ورکوي.
دې کښتۍ ته د ایډ ونچر نوم ورکړل شوی چې لومړی له سکاټلېنډه ډنمارک ته ورسېده او وروسته یې سویډن او ناروي ته هم مزل وکړ.

سرخط ورځپاڼه

Leave A Reply