د اسرائیل لومړي وزیر پرون سعودي عربستان ته پټ سفر کړی دی

0 62

د اسرائیل لومړي وزیر بنیامین نتنیاهو پرون د نوامبر ۲۲ مه نیټه سعودي عربستان ته پټ سفر کړی دی. دا خبره د اسرائیلو هاآرتز ورځپاڼې کړې ده.

د اسرائیلو د یروسلم پوست The Jerusalem Post  ورځپاڼې ویلي دي چې د اسرائیلو لومړي وزیر نتنیاهو او د استخباراتو مشر تیره ورځ سعودي عربستان ته یو پټ سفر کړی دی.

نتنیاهو پداسې حال کې سعودي عربستان ته پټ سفر کړی دی چې تیره ورځ د امریکا د بهرنیو چارو وزیر مایک پمپیو سعودي عربستان ته سفر کړی وو.

نتنیاهو د دې سفر په ترڅ کې د سعودي عربستان د ولیعهد شهزاده محمد بن سلمان او امریکا د بهرنیو چارو وزیر مایک پمپیو سره لیدنه کړې ده .

د بله پلوه د امریکا د بهرنیو چارو وزیر ویلي دي چې په نږدې راتلوونکې کې د خلیجو هیوادونو او اسرائیلو ترمنځه د اړیکو د نورمالیدو په برخه کې د یو بل مهم ګام شاهدي وکړو. په همدې نژدیو کې عربي اماراتو او بحرین هېوادونو هم د امرکیا په منڅګړتوب د اسرائیلو سره رسمې اړیکې جوړې کړې او اوس کیدای شي د سعودیانو وار وي چې اسرائیل په رسمیت وپیژنی او دیپلوماتیکي اړیکې ورسره ولري.

Leave A Reply

Your email address will not be published.