د کډوالو نړیوال سازمان: افغانستان کې د بېځایه شویو کډوالو وضعیت د جدي اندېښنې وړ دی

0 61

د کډوالو نړیوال سازمان وايي، افغانستان کې د بېځایه شوو او کډوالو وضعیت د جدي اندېښنې وړ دی.

د یاد سازمان مشر فیلپو ګراندې په یوه رسمي سفر کې د افغانستان له څو ولایتونو لیدنه کړې او ویلي يې دي په دغه هېواد کې روانې خونړۍ جګړې انساني ژوند ته خطرونه جوړ کړي چې له امله یې د بې ځایه شوو شمېر ډېر شوی دی. نوموړي دې هېواد کې د کډوالو دې بد وضیعت ته اندېښنه ښوولې ده او د جګړې له ښکلیو اړخو یې غوښتي څو د ملکي وګړو ژوند ته پاملرنه وکړي.

د کډوالو نړیوال سازمان مشر فیلپو ګراندې همدا راز وايي، په افغانستان کې د میلیونونه وګړو ژوند د سولې له پروسې او د نړیوالو له مرستو سره تړلی دی او زیاتوي چې د جینوا کنفرانس مرستندویه هېوادونه دی له افغانستان سره دې خپلې مرستې ډېرې کړي څو دې هېواد کې د بحران مخنیوی وشي.

دا په داسې حال کې ده چې د افغانستان په اړه نن په جینوا کې د مرستو د جلب په موخه نړیوال کنفرانس پیلېږي او افغان حکومت تمه لري چې وکړی شي په دې کنفرانس کې د راتلونکو څلورو کلونو لپاره د مرستندویه هېوادونو مالي ملاتړ خپل کړي.

Leave A Reply

Your email address will not be published.