نړیوالو مرستندویانو د راتلونکو څلور کلونو لپاره افغانستان سره خپلې مرستې اعلان کړې

0 45

د جینوا کنفرانس په ترڅ کې چې پرون پای ته ورسید نړیوالې ټولنې د راتلونکو څلورو کلونو لپاره افغانستان سره خپلې مرستې اعلان کړې.

نړیواله ټولنې ژمنه وکړه چې راتلونکو څلور کلونو کې به افغانستان سره ۱۲ میلیارده ډالره مرسته کوي. اروپايي ټولنې د یو میلیارد او ۲۰۰ میلیونه ډالرو، بریتانیا د کال ۱۵۵ میلیونه پونډه، جاپان ۷۲۰ میلیونه ډالر کلنۍ، کاناډا د درې کلونو لپاره ۲۷۰ میلیونه ډالر، هالنډ ۲۲۰ میلیونه ډالر، ایټالیا په کلني ډول ۳۵ میلیونه یورو، ډنمارک د درې کلونو لپاره ۶۴ میلیونه ډالر، ناروې ۷۰ میلیونه ډالر، استرالیا ۱۴۷ میلیونه ډالر او سويډن د ۹۳۲ میلیون ډالرو مرستې اعلان کړی دی. په ورته وخت کې هند په کابل کې د شاه توت بند جوړولو او پاکستان بیا د خپلو اړیکو او همکاریو پیاوړتیا ژمنې کړې دي.

 د معلوماتو له مخې چې دا مرستې به په افغانستان کې پر تلپاتې سولې، پایداره پراختیا، فساد سره پر کارنده مبارزې او د افغانستان راتلونکي کې د ښځو پر فعاله ونډه ولګول شي.

د یادونې وړ ده چې نړیوالې ټولنې په ۲۰۱۶م کې د بلجیم په پلازمېنه بروکسل کې له افغانستان سره د ۲۰۱۷م کال څخه تر ۲۰۲۰م کال پورې د تر ۱۵ میلیارده ډالرو زیاتو مالي مرستو ژمنه کړې وه.

Leave A Reply

Your email address will not be published.