ملګرو ملتونو افغانستان کې ښځو سره د تاوتریخوالي پر ډېرېدو اندېښنه ښودلې

0 63

افغانستان کې د ملګرو ملتونو سیاسي استازولۍ دفتر (یوناما) ویلي، دې هېواد کې د ښځو پر وړاندې د تاوتریخوالي ډيریدو اندېښمن کړي او زیاتوي چې له یادې پديدې سره مبارزه پر یووالي او ژمنتیا پورې اړه لري.

یوناما د ( لیندۍ پنځمه) د ښځو پر وړاندې د تاوتریخوالي د پای ته رسیدو د نړیوالې ورځې په مناسبت د خبرپاڼې په خپرولو سره ویلي، چې ټول قشرونه دې د ښځو پر وړاندې د تاوتریخوالي د مخنیوي برخه کې په ځانګړي توګه د کرونا وبا د خپریدو برخه کې خپلې هڅې ګړندۍ کړي. سرچینه وايي، چې د کرونا وبا له کبله د بیکارۍ، خوراکي توکو کموالي، اقتصادي ستونزو او د ښوونځیو بندېدل هغه څه دي چې د ښځو پر وړاندې تاوتریخوالی یې زیات کړی دی. په ورته وخت کې افغان ولسمشر اشرف غني هم ویلي، چې له ښځو سره تاوتریخوالي، هېواد کې د ښځو د فعالیتونو په وړاندې خنډونه جوړ کړي دي.

ولسمشر غني له ښځو سره د تاوتریخوالي د پای ته رسېدو د نړیوالې ورځې په مناسبت په یو پیغام کې ویلي چې افغان حکومت د ښځو په وړاندې د تاوتریخوالي په ضد اساسي ګامونه پورته کړي او اړتیا ده چې د ټولنې ټول اړخونه په دې برخه کې اساسي ونډه واخلي. د جمهور رئیس غني په وینا حکومت د نظام په مختلفو جوړښتونو کې د ښځو د اغیزمن ګډون لپاره مناسبه زمینه برابره کړې ده.

دغه غوښتنې داسې مهال کېږي چې نن د نومبر ۲۵مه، د ښځو پر وړاندې د تاوتریخوالي د له منځه وړلو نړیواله ورځ ده.

Leave A Reply

Your email address will not be published.