په بغلان کې هره مياشت ۶زره کسان برېښنايي تذکرې اخلي

0 57

په بغلان کې د احصایې ریاست چارواکي وايي چې هره میاشت ۶زرو کسانو ته په دغه ولایت کې برېښنايي تذکرې وېشل کيږي.
د بغلان د احصايې او معلوماتو ريس محمد عارف عظيمي وايي چې د نومبر مياشتې په اوږدوکې يې تر دې دمه څه کم ۵ زره الکترونکی تذکرې ويشلې او هره مياشت په منځنۍ کچه شاوخوا ۶ زرو کسانو ته برېښنايي تذکرې ورکول کيږي.
د بغلان د احصایې رئیس دا راپور تېره ورځ د «لیندۍ پر۵مه» د بغلان ولایت سرپرست والي ذبیح الله احساس ته وړاندې کړی دی. د بغلان ولایت مقام څخه په خپره شوې خبرپاڼه کې راغلي چې  د یاد ولایت سرپرست والي ذبیح الله احساس پرون په ناڅاپي ډول له دغې ادارې لېدنه کړې او د برېښنايي تذکرو د وېش لړۍ او د دغې ادارې د کارمندانو حاضري يې څارلی دی. خبرپاڼه وايي چې ښاغلی احساس د ټولو کارمندانو پر حاضري ټيڼګار کړی او ويلي يې دي چې د قانون په رڼاکې د برېښنايي تذکرو د وېش په برخه کې باید بشپړ آسانتياوې برابر شي.

Leave A Reply

Your email address will not be published.