د فلسطين ديني عالمانو رئيس په افغانستان کې جګړه ناروا وبلله

0 61

په نړيوال کچه د ديني عالمانو له لوري په افغانستان کې د جګړې له ناروا بللو سره دا ځل د فلسطين ديني عالمانو رئیس او د قدس شريف امام ډاکټر الشیخ عکرمه صبري په افغانستان کې روانه جګړه ناروا بللې او ژر تر ژره يې د بندېدو غوښتنه کړې ده.
نوموړي په اردن کې د افغانستان سفارت ته په يوه لېږلي غږيز پيغام کې ويلي، په افغانستان کې روانه جګړه د قرانکريم النساء سورت ۹۳م ايات پر بنسټ شرعي جواز نه لري او دوام يې د شريعت خلا عمل دی.
ډاکټر عکرمه صبري دغه راز زياته کړې په افغانستان کې د مسلمانانو وژنه ناروا ده او ټينګار يې کړی چې مخالف وسله‌وال دې د جګړې پر ځای د خبرو له لارې د ستونزې حل په لټه کې شي. له دې سره افغان حکومت هم د فلسطين ديني عالمانو رئيس او د قدس شريف امام له دې فتوا هرکلی کړی او زياته کړې يې ده چې د نوموړي دغه دريځ سوله‌ښوونکی او اړين دی.
بهرنيو چارو وزارت په دې اړه خپره کړې اعلاميه کې ويلي، پر ډاکټر صبري سربېره په نړيواله کچه د معتبرو ديني عالمانو له لوري ورته دريځ نيونه او فتوا، د تاتريخوالي کمولو او مخنيوي په اړه د افغانانو له سولې‌غوښتونکي ليدلورې د ملاتړ په مانا دی.
له دې وړاندې د ګڼو نورو هېوادونو معتبرو ديني عالمانو هم په افغانستان کې روانه جګړه ناروا بللې او پر وسله‌والو طالبانو يې غږ کړی چې د جګړې پر ځای دې په قطر کې پر سياسي مذاکراتو خپل تمرکز زيات کړي.

Leave A Reply

Your email address will not be published.