په افغانستان کې ۲۵۰۰ امریکایي سرتیري پاتې کیږي

0 47

 امريکا متحده ايالاتو اعلان کړی، چې تر راتلونکو ۳ ورځو پورې به په افغانستان کې د پاتې امريکايي ځواکونو شمېر۲۵۰۰ ته راښکته کړي.
روېټرز خبري اژانس د پنټاګون د ځينو چارواکو په حواله ويلي، چې دا مهال په افغانستان کې د ټولو امريکايي سرتېرو شمېر ۳زرو ته راټيټ شوی او دا شمېر به په راتلونکو درېيو ورځو کې ۲۵۰۰ تنو ته راټيټ شي.
په تېر نومبر میاشت کې امريکا اعلان کړی و چې په افغانستان کې به د خپلو سرتېرو شمېر له ۴نيم زرو څخه ۲نيمو زرو کسانو ته راټيټ کړي.
د چارواکو په خبره دا پرېکړه په دوحه کې د افغانستان سولې په اړه د امريکا او وسله ‌والو طالبانو ترمنځ د شوې هوکړې له مخې شوې ده.
دا په داسې حال کې ده، چې د ناټو عمومي سرمنشي ينس سټولټنبرګ موده وړاندې ويلي و، چې غه سازمان به په ۲۰۲۱ ميلادي کال کې په افغانستان کې د خپلو سرتېرو د ماموريت دوام او يا پای ته رسېدو په اړه پرېکړه وکړي.

Leave A Reply

Your email address will not be published.