شمالي وزيرستان کې پاکستاني پوځيانو ته سخته مرګ ژوبله اوښتې

0 76

د شمالي وزيرستان ځايي اوسيدونکي وايي، د پاکستاني پوځ او وسله‌والو مخالفانو ترمنځ په جګړه کې لږ تر لږه ۹تنه پاکستاني پوځيان وژل شوي او همدومره نور ټپيان شوي دي.
دوی وايي، جګړه د شمالي وزيرستان په (ډوګا مچا) کلي کې پرون د يکشنبې په ورځ شوې چې پاکستاني پوځيانو ته په کې درنه مرګ ژوبله اوښتې ده.
له دې سره د پاکستان پوځ هم په شمالي وزيرستان کې له وسله‌والو مخالفانو سره جګړه تائيد کړې او ويلي يې دي، چې ياده نښته هغه مهال رامنځته شوه چې پاکستاني پوځيانو په ډوګا مچا کلي کې د مخالفانو پر يوه پټنځي عمليات کول.
د پاکستان د پوځ له لوري په خپره شوې خبرپاڼه کې ويلي شوي، په شمالي وزیرستان کې د يادې نښتې پرمهال يې يوازې يو پوځي وژل شوی دی. خو خبرپاڼې بيا د ټپيانو په تړاو مالومات نه دي ورکړي.
په وروستيو کې پر شمالي او سوېلي وزيرستان سربېره په قبايلي سيمو او بلوچستان کې پر پاکستاني پوځيانو وسله‌وال بريدونه زيات شوي، چې په ترڅ کې یې يادو پوځيانو ته درنه مرګ ژوبله اوړي.
د يادو بريدونو مسوولیت ډېر کله په قبايلي سيمو کې فعال د تحريک طالبان پاکستان (TTP) او يا او هم د بلوڅ بېلتون‌پالو غورځنګ (BLA) په غاړه اخلي.

Leave A Reply

Your email address will not be published.