د امریکا دولت افغانستان کې د لنډمهالي حکومت پلوی ندی

0 40

په کابل کې د امریکا شارژدافیر راس ویلسن وایي، د امریکا دولت په افغانستان کې د جګړې سیاسي حل ته ژمن دی؛ خو زیاتوي چې دې هېواد کې د لنډمهالي حکومت پلوي نکوي.
نوموړي په خپله ټوېټر پاڼه لیکلي، چې د سولې مذاکراتو پایلې په افغانانو پورې اړه لري او امریکا په دې باور ده، چې دا پایلې باید د افغانانو هیلې او ارمانونه څرګند کړي. نوموړي لیکلي:« موږ د زلمي خلیلزاد سره تل په دې اړه خبرې کړي، چې څنګه دوحه کې د سولې خبرې ګړندۍ شي او زموږ دا خبرې او هڅې به روانې وي.»
د ښاغلي وېلسن په خبره، چې موږ په افغانستان کې له موقت حکومت ملاټر نه‌دی کړی او امریکا یې هم نه‌کوي. په کابل کې د امریکا شارژدافیر دوحه کې د افغانستان سولې لومړي پړاو خبرو ته په اشاره ویلي، چې دا خبرې بریالۍ وې؛ خو زیاتوي، چې دې برخه کې لا هم ډېر کار ته اړتیا شته چې ترسره شي. د هغه په خبره امریکا په افغانستان کې د تاوتریخوالي د ژر تر ژره کمېدو او اوربند غوښتنوونکی ده.
دا په داسې حال کې ده، چې دوحه کې د افغانستان اسلامي جمهوریت او طالب استازو ترمنځ د سولې دویم پړاو خبرې د روانې جنوري میاشت په پنځمه نېټه پیل شوې دي.

Leave A Reply

Your email address will not be published.