د اسراييلو په بمباريو کې سوريې ته لېږل شوي هزاره ګان وژل شوي

0 63
د اسراييلو الوتکو تېره شپه د سوريې په ديرزور او بوکمال سيمو کې پر نظامي مرکزونو باندې ۱۸ بريدونه کړي چې پکې د شیعه هزاره افغانانو په ګډون له څلویښتو ډیر کسان وژل شوي دي.
اسوشيېټيډ پريس وايي، اسراييلي الوتکو تېره شپه پر دغو دوو سيمو اتلس بمونه غورځولي چې په تېره څه موده کې د سوريې پر خاوره د اسراييلو تر ټولو خونړۍ حمله وه.
په دغو بمباريو کې له څلویښتو ډیر سوري او بهرني عسکر وژل شوي چې هزاره افغانان هم پکې شامل دي.
دغه هزاره افغانان د ايران د حکومت له خوا سوريې ته د جنګ لپاره لېږل شوي وو.
د سوريې حکومت دغه بمبارۍ پر خپله خاوره د اسراييلو تېری بللی او غندلې يې دي، خو اسراييل وايي، ايران سوريې ته جګړه‌مار لېږي او دوی دا نه شي زغملای چې په څنګ کې يې ايران دغسې نفوذ وکړي.
ايران د فاطميون په نامه په ايران کې له شته افغان هزاره شیعه کډوالو څخه پوځ جوړ کړی او په سوريه کې يې د بشار الاسد په ملاتړ جنګوي.
د دغو افغانانو شمېر دیرش زره تنو ته رسېږي.
ايران څه موده وړاندې ويلي و چې په سوريه کې د جنګېدونکيو افغانستان له ډلې تر اوسه دوه زره تنه وژل شوي او اته زره نور ژوبل دي.
ایران دغه هزاره افغانان د فاطمیون په نوم پوځي ډله کې راغونډ کړي دی چې د افغانستان هزاره مشر محمد محقق د ایران سره په دې کار کې مرسته کړې ده. او د فاطمینو په زرګونه عسکر په افغانستان کې هم ځای په ځای شوي چې بدبختانه افغان حکومت د ایران او هزاره مشرانو له ډاره چوپه خوله دې او په دې اړه څه نه وایی، ایران له افغانستان څخه په غیر مستقیم ډول څو وارې وغوښتل چې دغه هزاره د فاظمیون د ډلې عسکر په افغان امنیتي ارګانونو کې مدغم کړي.

Leave A Reply

Your email address will not be published.