د مارچ اتمه/کونړ

0 668

د مارچ (۸)مه د ښځو پر وړاندې د تبغیض خلاف د سیاسي او ټولنیزې مبارزې تاریخي ورځ ده .

د کونړ په مرکز اسعد اباد کې د ښځو نړیواله ورځ د یوې لوی غونډې په ترڅ کې ولمانځل شوه ،په دغه مراسیمو کې د کونړ والي وحیدالله کلیمزي سربیره  لسګونو میرمنو ، دیني عالمانو ، قومي مشرانو او  په ختیځو ولایتونو کې د بشري حقونو خپلواک کمېسون ،(یو نیسف) او (یوناما) مسوولینو برخه اخیستې وه.

په پیل کې د ښځو چارو ریسې اغلې سهیلابابر له لوري د یادې ورځې په مناسبت د ښځوچارو وزارت د مشرتابه پېغام  ولوستل شو ، ورپسې د کونړ والي وحیدالله کلیمزي خبرې وکړې او د هېواد ټولو میرمنو ته یې د دغې ورځې مبارکي وویله ،ښاغلي کلیمزي زیاته کړه ! ښځې د ټولنې نیمایي برخه تشکیلوي ،د اسلام مبارک دین ورته لوړ مقام ورکړی او د هېواد په نافذه قوانینو کې یې حقونو خوندي دي ،میرمنې کولای شي چې دهېواد په پرمختګ ، ټولنې اصلاح او خلکو ته د ورپېښو ستونزو د اوارۍ په برخه کې اغیزمن او ګټور ګامونه او چت کړي ،کونړ والي وویل حکومت د ښځو حقونو ته ژمن دی ،د میرمنو د ژوندانه ښه والي لپاره هڅې شوي او دوام لري .

د ولایتي شورا ریس محمد ساپي،امنیه قومندان جمعه ګل همت او دیني عالم مولوي نجیب الله حقیار ، د میرمنو په اسلامي حقونو او افغاني سوچه فرهنګ او کلتور خبرې وکړې .

غونډې ته په ختیځو ولایتونو کې د بشري حقونو خپلواک کمېسون مشرې اغلې صبرینې حمیدي ،د یوناما استازې (هیرن سونګ ) او د یونیسف مسوولې (سي پنګ) هم ویناوې وکړې او د میرمنو د پیاوړتیا په برخه کې یې د هر اړخیزې همکارۍ ډاډ څرګند کړ.

په وروستۍ برخه کې په ګډونوالو ډالۍ وویشل شوې او یو شمېر فعالو میرمنو  او مسوولینو ته د ولایت مقام له لوري ستاینلیکونه ورکړل شول​

 

Leave A Reply

Your email address will not be published.