د حزب اسلامي د پام وړ!/ ډاکټر صلاح الدین سعیدي

0 378

سابق شرايط داسې وه چې: یابه یې را سره منئ او که نه ستا سر او پولیګون. یابه یې را سره منئ او که نه: انفجار، انتحار، استشهادي او… اوس تعهد او د لوبې قاعده او توافق: یا به یې را سره منئ او که نه منئ نو زه، زما نسخه په حق ګڼم او دا مې استدلال.

ملته! ته یې واوره! زما نسخې دغه او د حل لارې مې دغه او قضاوت وکړه. ملا، عالم او مخکښه! رسالت دې اداء کړه چې د ملت انتخاب درست وي. ته ملته واوره! زما او دده ترمېنځ انتخاب وکړه. فرصت هم لږ، حوصلې تنګې او چاړه ه‌‌‌‌‌‌ډوکو ته رسیدلای. نو هغه به وایو چې مو نن ضرورت دی. په هغه ‌‌‌‌‌‌ډول به یې چې الله ( ج) حكم كړای او هغه هم مجادله ورسره وكړه په احسن ‌‌‌‌‌‌ډول. نو اوس راشو درې انتخابي موضوعاتو ته: – تغييرات راوستل ټولنه کې په انقلابي ‌‌‌‌‌‌ډول او د ساختار ړنګول او ارګانونه یې بې اعتباره کول؟ او یا د نافذو قوانینو په چوکات کې تغییر؟ زمونږ په پوهه انقلابي عمل دقیق او د تأیید وړ نه دی. د نوې، قوي او باصلاحيته شوراء طرحه یعنې څه؟

دا چې انتخابات کوو او د افغانستان پارلمان ټول د ملت د اصلي استازو راتلو ته میکانیزم جوړوو او يا بله شوراء چې هغه کې زه افراد غوره کوم او راغواړم او هغه به تصمیم نیسي؟ نو كه هدف د قانون نه بهره با صلاحیته شورا د یوې مرجع په بڼه د تصمیم قانوني صلاحیت نه لري او ‌‌‌‌‌‌ډېر ځلي د سوء استفادې وسیله وه او غیر مشروع او د قانون نه بهر غیر مشروع مرجع ده. دا د حزب اسلامي داخلي کار کیدای شي اوبس. اما که هدف بیاهم با اعتباره ملي شوراء د خلکو استازو ته د راتلو میکانیزم باندې توافق وي، نو ‌‌‌‌‌‌ډېر دقیق نظر دی. مونږ درسره یو. د حبیب الله کلکاني، مشهور به بچه سقاو، د هغه تېره او د اماني نهضت پر ضد اعمال او د افغانستان د ممکنو ښه انکشافاتو مانع کیدل، د امیر امان الله د ریفورم تېروتنې او د پرتوګ او پطلون په سطح د تغییر لاملونه او بنيادي تغییر ته عدم دقت او پرخلکو د څو کلو مخکې مالیه ټولول او ظلم او دغه تحقیق او ريسرج د اكادمۍ او سړه سینې کار او د اوس ضرورت نه وه او نه دی. داسې بې وخته حساسیتونو ته لمن وهل راته مناسب نه ښکاري او ضرورت نه دي.

كيدای شي اوپه اغلب ګمان د کلکانیانو په الحاح مطرح شوي وي خو ملت پرې خپه کیږي. د پورته خبرو او بحث په رڼا کې او د یو تلویزیوني مباحثې او مناظرې په لیدو مې د ممتاز په نامه یو شخص او تحلیل ګر کاته. ممتاز خان چې غږیده نو خبرو کې یې هم سترګې، هم لاس او هم پښه راست او چپ واریدې او دغه شخص د حزب اسلامي څخه دفاع کوله. زه دده د خبرو په برحق والي او نا حق والي نه غږیږم او بحث نه کوم خو طریق د افادې او طريق د خبرو او بيا په ستودیو کې جنګ د حزب اسلام حیثیت او ابرو ته سخت مضر او د منلو وړ نه دی. حزب اسلامی داسې مشاورینو ته ضرورت لري چې دا حزب د خپلو موخو د تحقق او د اسلام په لار کې د خلکو او وطن خدمت جوګه شي. حزب اسلامي ته د دوستانو او دشمنانو د دوو پر ځای ٤ سترګې او دسایس روان دي. او مونږ دافغانستان د مظلوم ولس د تفاهم ، سولې او استقرار ته د خدمت تعهد لرو. نو دغه حزب ته هر قدم اخیستلو کې ستر دقت او هوښيارتیا په کار ده چې د سولې او خیر جوګه شي. زه ویریږم چې جناب حکمتیار صیب، هغه ښایسته درې ته د هغه شخص قبرزیارت ته مجبور نشي کړای. نو ګورو به او دقت په کار دی. الهي د خیر د لارې د خدمت جوګه مو کړې.

امین

Leave A Reply

Your email address will not be published.