سیاسي بحران / فضل الله صدیق الله

0 349

د هیواد سیاسی بحران د ولسمشر په استعفی نه حل کیږي، بلکې د استعفی په صورت کې بحران نور هم زیاتیږي. بهتره دا ده چې ټول د ولسمشر په خوا کې ودریږو او دا هیواد له سیاسي بحران څخه وباسو. ولسمشر هم ملامت دی ، دا سیاسي بحران  د چارو په ښه مدیریت کې  د نوموړي د عدم توجه په نتیجه کې مینځ ته راغلی دی، ولسمشر باید د بحران د ختمولو لپاره ملت ته مراجعه وکړي او د علماؤ، قومي مشرانو، مخور و،  پوهانو او په سیاسي برخه کې سیاسي کارپوهانو له مشورو څخه کار واخلي.
د هیواد اداره په یو نفر یا دوه نفره نه شي جوړیدای ، په دې اداره کې باید ډیر پوه او اهل کار برخه ولري.
ولسمشر او اجرائیه رئیس باید د تقسیم د ویش په سر خپل وخت ضایع نه کړي، بلکې دوي باید د وطن او ملت د خدمت لپاره جدي فکر او پاملرنه وکړي.  یوه کیسه ده چې وايي دوه کسان په یوه خر سره جګړه کوله ، دریم شخص راغی او خر یې له ځان سره یوړ. اوس داسې نه شي چې دوي دواړه د قدرت په سره په جکړه بوخت  ووسي او دریم شخص راشي او قدرت ورڅخه واخلي.
له سیاسي کشمکش او بحران څخه د خلاصون یواځنۍ لار داده چې ټول خلک او سیاسي مشران د وحدت ملي  حکومت شاته ودریږي او په دې حکومت فشار راولي چې اصلاحات راولي او د هیواد اقتصادي، سیاسي ، امنیتي ستونزو ته د حل لار پیدا کړي.
د دې حکومت په ضد تظاهرات او بد رد ویل کومه ګټه نه لري، او نه هم اوضاع مثبت لوري ته سوق کولای شي.
که دا حکومت نسکور شي ، نو بل حکومت به له دې بد تر راشي ، او بیا به وایو چې هغه زوړ کفن کش له دې نوي کفن کش څخه بهتر ؤ. پخواني کفن کش به کفن پټولو ، خو دا نوی کفن کش کفن پټوي خو دا بل کار هم کوي.

ما علینا الا البلاغ

Leave A Reply

Your email address will not be published.