سامسونګ ارزانه نوټ۷ موبايل بازار ته وړاندې کړ

0 689

سامسونګ په خپله يوه تازه خبرپاڼه کې ويلي دي چې تېره ورځ يې د ګلکسي نوټ۷ ايف اې بياځلي ترميم شوې بڼه بازار ته په ارزانه بيه وړاندې کړې ده.
د دغو موبايلونو پلور وروسته له هغه بند شو چې مالومه شوه بېټرۍ يې ستونزې لري او چوي.
هغه مهال سامسونګ خپل پلورل شوي موبايلونه بېرته ټول کړل او اوس يې له سره جوړ او بازار ته وړاندې کړي دي. 
سامسونګ وايي، دا ځل يې د بېټرۍ ستونزه ورحل کړې ده او په ارزانه بيه يې هم پلوري.
دا مهال د ګلکسي نوټ۷ ايف اې بيه شپږ سوه امريکايي ډالر ده او پرون په جنوبي کوريا کې پلور ته وړاندې شوي دي.
سامسونګ ويلي چې په لومړي ځل يې بازار ته څلور سوه زره دغه موبايلونه وړاندې کړي او ژر به يې نورو هېوادونو ته هم ولېږي.
ګلکسي نوټ۷ ايف اې د فينګر پرنټ او سترګو پېژندلو قوي وړتيا لري او په دې سربېره يې چلوونکی سيسټم هم پياوړی شوی دی.

Leave A Reply