د ای‌فون د کامرې په بغل کې د سوري په راز خبر ياست؟

0 1,595

که ای‌فون موبایل کاروئ، نو خامخا به مو د کامرې په بغل کې يو کوچنی تور سوری ليدلی وي، خو پوهېږئ به نه چې د دې سوري کمال څه دی؟
راځئ، نن يې په سرخط کې په راز پوه شئ.
دغه تور سوری د ای‌فون تر پنځم ورژن وروسته د اپل کمپنۍ په موبايلونو کې پيل شو او تر ننه پورې چې د دغې کمپنۍ هر موبايل بازار ته راځي، د کامرې په بغل کې دغه وړوکی سوری لري.
د اپل د مارکيټينګ مسوول په خپله يوه مرکه کې ویلي دي چې دغه سوری نه، بلکې مايک دی.
ده ويلي چې ای‌فون موبايلونه درې مايکونه لري، يو يې په مخ کې، بل کښته او بل شاته د کامرې له بغل سره.
د ده په خبره، دغه مايک د وېډيو جوړولو پر مهال اتومات فعالېږي او نه يوازې غږ په ښه توګه ثبتوي، بلکې د شاوخوا شور هم ورکوي او د غږ کواليټي او معيار هم لوړوي.
اوس چې پوه شئ، لاس ورباندې تېر کړئ، پاک يې کړئ چې دوړې و نه نيسي.

 

سرخط

Leave A Reply