بيزو ترکاڼي نه‌شي کولای، خو روباټ يې کوي

0 432

په سرخط کې به مو د روباټونو په اړه بېلابېلو راپورونه لوستي وي، خو راځئ نن په دې خبر شئ چې روباټونو اوس ترکاڼي ته هم ملا تړلې ده.
د ميساچيوسټس انسټيټيوټ اف ټيکنالوجي ماهرانو اوس پر دغه روباټ کار پای ته رسولی دی او اعلان يې کړی چې داسې روباټ يې جوړ کړی چې خوندوره نجاري کولای شي.

دغه روباټ به د بوډاګانو ډېر خوښ وي، ځکه نه يوازې د هغوی ساتنه به کوي، بلکې چېرې چې کښېني يا اوسي، روباټ به ورته له لرګيو خوندور مېزونه او څوکۍ جوړوي.
د دغه انسټيټيوټ د ماهرانو د ډلې يو کس جيفري ليپټن چې پر دغه روباټ يې ډېر کار کړی دی، وايي د يوه سپين‌ږيري ليدو ته ورغلی و.

دی وايي، هغه وخت سپين‌ږيري يوه څوکۍ جوړوله او ګوته يې پرې کړه، ځکه نو فکر ور پيدا شو چې بايد يو نجار روباټ جوړ کړي.
تر اوسه پورې دغه جوړ شوی روباټ يوازې لرګي تراشلای او فرنېچر ته برابرولای شي، خو دا لا نه‌شي کولای چې سره نټ او بولټ يې کړي.
جيفري ليپټن وايي، ژر به دغه چاره هم وکړي او ټولنې ته به يو خوندور ترکاڼ روباټ وړاندې کړي.

سرخط ورځپاڼه

Leave A Reply