عامر خان د ۵۲ کالو شو

0 697

د هندي سېنما مشهور فلمي ستوري عامر خان پرون خپله دوه‌پنځوسمه کليزه ونمانځله او په دې توګه يې په دې نړۍ کې په اوسېدو تر نيمه پېړۍ زيات وخت واوښت، خو لا اوس هم هلک ښکاري.

دی د ۱۹۶۵ کال د مارچ په ۱۴مه په ممبيي کې وزېږده، په ماشومتوب کې لا په يوه فلم کې راڅرګند شو، خو د فلم د اتل په توګه په ۱۹۸۸ کې په قيامت سې قيامت تک فلم کې ولوبېده او تر هغه وروسته بيا شا ته نه، بلکې پرله‌پسې مخ ته ولاړ.
ده په خندوونکيو، رومانټيکو، ايکشن او بېلابېلو فلمونو کې کار کړی او په ټولو ډګرونو کې ښه ځلېدلی دی.

د عامر خان يوه ځانګړنه دا ده چې هر فلم ته ځان بدلوي، د بېلګې په توګه د پي‌کې له‌پاره يې بله ژبه او لهجه زده کړه، د دنګل له‌پاره يې لومړی وزن بې‌حده زيات او بيا بېرته بې‌حده کم کړ.

انداز اپنا اپنا،غلام، رنگیلا ، راجا هندوستاني، سرفروش، عشق، لگان، دل چاهتا هې، منگل پانډې، رنگ دې بسنتي، فنا، گجنې، تري ایډيېټس، پي‌کې او دنگل يې مهم فلمونه دي.

سرخط ورځپاڼه

Leave A Reply

Your email address will not be published.