څو ستوري چې پر ژوند ګران دي

0 599

هندي سېنما له ډول ډول پېښو ډکه ده، مینه، نفرت او کله کله مرګونې کیسې هغه څه دي چې د بالیووډ د هر ستوري له ژونده خبرېدو ته انسان هڅوي.
په سرخط کې نن د هغو ستوريو په اړه ولولئ چې له مرګونو پېښو وروسته بېرته راژوندي شوي او په اصطلاح دوسرا جنم یې پیل کړی دی.

کنگنا رناوټ؛
د ” کوئین اف جھانسی” فلم د شوټنګ پرمهال یې په تندي زخم وخوړ، پوره ۱۵ ټکونه یې وخوړل. له دې ټپ وروسته د فلم عکس بندي بنده شوه، تر هغه چې رناوټ روغه او بېرته بالیووډ ته راغله.

سلمان خان؛
د سلمان خان به داسې فلم پیدا نه کړئ چې یو ځل یې تر روغتونه نه وي رسولی، خو په ۲۰۰۳ مېلادي کال کې یې بیا د مرګ تر بستر وراساوه.
هغه د “تیرے نام” د شوټنګ پر مهال قسمت تر اور ګاډي له لاندې کېدو وژغوره. که هغه مهال د فلم یوه کارکوونکي سلمان خان له رېل کرښې کش کړی نه وای، نن به یې د مړینې ۱۴ کاله تېر شوي وو.

اېشوریا رای؛
د امیتاب بچن نږور د “خاکي‌” فلم په شوټنګ بوخته وه چې یوه جيپ ووهله او تر کوما یې ورسوله، خو خدای پرې رحم وکړ او بېرته ژوندۍ وشوه. دا پېښه په ۲۰۰۴ مېلادي کې شوې وه.

امیتاب بچن؛
د بالیووډ تر ټولو مشهور ستوری امیتاب په ۱۹۸۳ کال کې د “قلی” فلم د شوټنګ پر مهال داسې ټپي شو چې ۵۹ ورځې په روغتون کې تر درملنې لاندې و. هغه مهال د هغه د مړینې خبر هم خپور شو، خو وروسته مالومه شوه چې سړی ژوند دی.

سرخط ورځپاڼه

Leave A Reply