عامر خان وايي، خانان يې خوښ دي، خو د هغوی پېښې نه کوي

0 697

د هندي سېنما مشهور فلمي ستوری عامر خان چې لا یې هيڅ فلم نه دی ناکام شوی او د خپلې وړتيا په زور يې ځان د شهرت لوړ پوړيو ته رسولی، په خپلو وروستيو څرګندونو کې يې د سلمان خان او شاه‌رخ خان تمثيل ستايلی دی.

عامر خان د خپل راتلونکي فلم “سیکریټ سوپر سټار”د ټرېلر وړاندې کولو پر مهال رسنیو ته ویلي؛ “د یوه یا دوو فلمونو له ناکامۍ سره د یوه مشهور فلمي ستوري پر ټول فعالیت ډېر اغېز نه کېږي، شاه‌رخ او سلمان دواړه وتلي ممثلان دي او زما د دوی کار ډېر خوښ دی. ”

عامر داسې مهال دا څرګندونې کوي چې د سلمان خان “ټیوب لایټ” فلم په دې وروستیو کې نندارې ته وړاندې شو چې ډېر کامیاب نه و.
همدا راز له تېرې څه مودې راهیسې د شاه‌رخ خان فلمونه هغومره عاید نه لري، څومره چې تمه ترې کېږي.

له عامر نه پوښتنه وشوه چې ایا غواړي د سلمان خان او شاه رخ په څېر ممثل شي؛ هغه په ځواب کې وویل؛
”زه چې چېرې یم، همدلته خوښ یم، زما او مینه‌والو تر منځ مې یو مینه‌ناک تعلق دی چې له کبله یې دا دومره کلونه کار کوم. ”

سرخط ورځپاڼه

Leave A Reply

Your email address will not be published.