ايرانيانو له ساته پسات جوړ کړ

0 425

ايراني فلمي ستوريو په سوريه کې د داعشيانو د ظلمونو په اړه يو فلم جوړ کړی دی او بيا د همدې فلم ستوري له ګڼې ګوڼې يوه ډک مارکېټ ته د داعش په هماغو جامو کې تللي چې دوی په فلم کې اغوستې وې.

دوی غوښتل په دې توګه خپل فلم ته کمپاين وکړي، خو خلک يې وېرولي او مارکېټ د خلکو چيغو او منډو په سر اخيستی دی.
دغه فلم د يوه هلک او د هغه د پلار پر کيسه راڅرخي چې د انساني مرستې لپاره سوريې ته تللي وي او هلته داعش ته په ګير ورشي.

د همدې فلم ستوري د داعش په جامو کې، په تهران کې يوه تر ټولو لوی مارکېټ ته پر اسونو سپاره ننوځي، الله اکبر چيغې وهي او بيا نو د خلک وار او پار خطا کېږي.

په دوی کې ځينو ستوريو په ځانو پورې پلاسټيکي بمونه هم تړلي ول.
د ايران حکومت وايي، دوی خلک سخت وېرولي دي او کېدای شي درنه مالي جريمه پرې کړي.

سرخط ورځپاڼه

Leave A Reply