(د ملي اردو د ځواکونو په وياړ)غزل

0 340

مصطفی پسرلی

په خپله وينه يې ساتلی دی سنګر د وطن
د مرګ او ژوند لوبه کې جوړ شي ترې سپر د وطن

د تاريخ پاڼي به وي ښکلي د سرباز په کړنو
وي تر آبده به سرباز د همت غر د وطن

ته يې ساتونکی د دې خاورې او عزت د افغان
ځکه دې ستايي هر جومات او هر منبر د وطن

دنګه غړۍ دې ټيټه مه شه له تا ځار شه هر څه
لاس کې دې پاتې شه اغيارو ته خنجر د وطن

ستا د هستۍ او د مستۍ په پولو وياړمه زه
تا دی اخيستی په ټټر هر يو پرهر د وطن

يه پسرلېه! لوږه، تنده باندې نه پوهېږي
ښه په ميړانه کړې دفاع شام و سحر د وطن

مصطفی پسرلی
16/05/2019

Leave A Reply