باز او زرکه

علم ګل سحر

169
ژیړه زرکه ښکلې وه
له کوره راوتلې وه
ناسته په ډبره وه
ډیره معتبره وه
تل ډیره خوشحاله وه
د غره خواکې یې ځاله وه
دې ویلې سندرې
له نورو څخه لیرې
باز راغی له غرونو
پوري له ځنګلونو
د باز سترګې سرې سرې
خلاصې یې پنجې وې
زرکه وارخطا شوه
له ځان سره سلا شوه
ژر ولاړه تر کوره
د باز له ظلمه و زوره
باز وویل زرکې
زما د زړه بڅرکې
ښکلې وې ستا غاړې
چیرې رانه ولاړې
زه په تا مین یم
په ارمان ستا د دیدن یم
را ووځه له خپل کوره
زما حال ته وګوره
بې تا مې ژوندون نه شي
هیڅ ځای مې سکون نه شي
یو ځای به ژوندون وکړو
موږ به پیوستون وکړو
تاته به هر څه راوړم
خوراک به ستا په زړه راوړم
تل تاسره مینه کړم
دا خبره سپینه کړم
زرکه خرامانه
له کوره را روانه
راغله د باز خواته
خپل کور شو ځینې پاته
څو شیبې سندرې وې
د راز و نیاز خبرې وې
زرکې وویل بازه!
زما د زړګي رازه
ولاړ شه څه خواړه راوړه
ژر زما په زړه راوړه
باز ویل ستا غوښې
د هر چا ډیرې خوښې
تر ټولو دا خوږې دي
زما لپاره ښې دي
زرکه شوه حیرانه
باز ته شوه ګویانه
ته خو زما یار یې
اوس مرګ ته مې تیار یې
باز وویل ښکلې
بې عقلې ساده ګلې
یاري د زورورو
په خوله وي، په خبرو
اوس وږی یم تا خورمه
نور صبر نه کومه
زرکې په سلګو کې
د ژوند وروستو شیبو کې
دا وویل ژړا کې
د باز د پښو خوا کې
چې بې ځایه اشنایي کړي
اور به بل په خپل تندي کړي

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.