دوه رنګي/ عظم الدین علیمی

0 336

خولو کې يې تش مينې د جانان دي
زړونو کې يې ګټې د خپل ځان دي
عشق د ګلبڼونو د بلبل کار وي
تور کارغان مين په غټ ډيران دي
وخت د مکاريو فريبونو شو
دلته ډېر لوړپوړي مکاران دي
ژمنې همېش کړي د ولسي خدمت
وايي خادمان يو تور ماران دي
تل يې جهاد ” في سبيل الله ” ګڼه
غواړي امتياز اوس مفسدان دي
ګډوډ کړي ثبات د ټولنيز نظام
يو نه دی څو تنه پاچاهان دي
شوم نيتونه شومې ارادې لري
څنګ کې يې ملاتړي بهرنيان دي
خلکو د وطن سره يو موټی شئ
سترګې ډيرې بدې د زمان دي

Leave A Reply

Your email address will not be published.