د طالبانو په رهبري کې بدلون څومره ممکن دی

سیدعبدالله پاچا

0 64

په یو وخت د سولې او جګړې دوام او په جګړه کې د طالبانو سختې ماتې سره د طالبانو سیاسي او جنګي رهبري تر سوال لاندې راغلې ده.

طالبانو ته چې څومره امکانات ورکول کیږي، د جګړې لپاره ورکول کیږي او په دې تړاو هر کال هدفونه ورکول کیږي.

دا هدفونه په څو ډوله دي

څومره افغانان باید کال کې قرباني شي

څومره عامه ځایونه باید تخریب او ویجاړ شي

څومره ولسوالۍ او څومره ولایتونه باید سقوط شي

څومره ځانمرګي بریدونه باید وشي

کومو سیمو کې باید جګړې شدیدې وي او کومه ډول خلک په نښه شي

څومره مرموزې او هدفي وژني وشي او څومره او کوم کسان په نښه شي.

دا او ورته نور ورانکارې کړنې طالبانو ته هر کال کلنۍ بودجه کې ورکول کیږي چې باید ترسره یې کړي.

خو دا چې طالبان له یو کال څخه بل کال ته متنفر کیږي او خلک ترې مخ ګرځوي، په دې پورته یاد شویو هدفونو کې زیاتو کې نه دي بریالي شوي.

له یوې خوا د افغان ځواکونو وړتیا، زړه ورتیا او بریدونه او له بلې خوا د خلکو همکاري هغه څه دي چې طالبانو ته یې اکثره ځآیونو کې د هدف د رسیدو فرصت نه دی ورکړی.

له همدې کبله ده چې طالبان تر سخت فشار لاندې دي او هغه هېوادونه چې امکانات او هدفونه یې طالبانو ته ورکړي دي، طالبانو ورته نه دي پوره کړي.

د دې لپاره چې طالبان بهرني ملاتړي له لاسه ور نه کړي، طالبانو ته ویل شوي چې باید رهبري او ولایتي کچه باندې ځینې بدلونونه راولي او مشران داسې کسان وټاکي چې انسانیت او ملي ګټو په نوم څه و نه پيژني.

داسې کسان وي چې هر ډول وي، په هر نوم وي، باید هدف پوره کړي، ولو که هر څوک یې قرباني وي او که هر څومره ویجاړی رامنځ ته کیږي.

د طالبانو په لوړه سطحه ټولې ګمارنې او تبدیلیانې د پاکستان استخبارات کوي او د دې لپاره افغان دښمنه هېوادونه پاکستان ته امکانات او پيسې ورکوي چې د دوی د خوښې کسان رهبري ته راولي چې د دوی ګټې تعقیب کړي.

تاسو به وګورئ چې په نږدې وخت کې دا تغیرات راشي، خو دا مه هیروئ چې طالب نور افغان ځواکونو سره د جګړې نه دی او لکه ماتې یې چې خوړلې، داسې ماتې به خوري.

Leave A Reply

Your email address will not be published.