لغمان کې د طالبانو خپلمنځي بې باوري او خبرداري

سیدعبدالله پاچا

0 439

څو ورځې وړاندې په لغمان ولایت کې د طالبانو د چاودیدونکو توکو انتقال کوونکی ووژل شو.

دا ډير مهم کس و چې د تور غر له لارې به یې پاکستان ته تګ راتګ کو او له دې لارې به یې چاودیدونکي توکي تر لغمان ولایت رسول.

اکثریت ماینونه به له همدې چاودیدونکو توکو جوړیدل او دا کس په لغمان کې د طالبانو لپاره مهم کس یادیده چې په وژل کیدو باندې یې یو ډول بې باوري د ځايي طالبانو له لوري راپورته شوې ده.

هغه کس چې د چاودیدونکو توکو د انتقال مسوولیت یې درلوده، ورور یې قرغیو ولسوالۍ کې د طالبانو د جګړې مسوول دی او ډيرو ورانیو کې لاس لري.

ورور یې د طالبانو ځآیي مشرانو ته خبرداری ورکړی چې د ورور قاتلین او یا هغه کسان چې ورور مالومات یې قاتلینو ته ورکړي، ورسره شریک کړي.

خبرداری دا دی ، که د ورور د قتل په اړه یې دقیق مالومات ور نه کړل شي، د تور غر لار به د طالبانو د هر ډول تګ راتګ لپاره وتړي.

د تور غر لار د طالبانو د تګ راتګ لپاره خوندی لار بلل کیږي او ټول ځآنمرګي او چاودیدونکي توکي له همدې لارې انتقالوي.

تراوسه ځایي طالب مشران د وژل شوي کس د ورور د غوښتنې په تړاو چوپ دي، ځکه هغوی سره داسې کوم مالومات نشته.

خو یو څه چې لغمان کې د طالبانو ترمنځ ګونګوسۍ دي، هغه دا چې ممکن دا موضوع د طالبانو ترمنځ د پاشل کیدو لامل شي.

طالبانو ډير کله دا ډول وژني مرموزې وژنې یادې کړي چې بیا خپله هم نه پوهیږي چې چا او څنګه وژلی دی.

ډير کله چې د افغان ځواکونو له لوري هدفي عملیات وشي، هم طالبان خپلمنځو کې پر یو بل شک کوي چې مالومات چا خپاره کړي دي.

خو اوس له نیکه مرغه زیات شمېر خلک په داوطلبانه ډول له افغان ځواکونو سره همکاري کوي او په وخت مالومات شریکوي چې طالبان زیات قتلونه و نه کړی او زیات شمېر ټولګټي ځایونه وران نه کړي.

دا نه لومړی پيښه ده او نه به وروستۍ پيښه وي چې د طالبانو تر منځ یو قتل د اختلافاتو سبب کیږي.

د طالبانو مشر ملا عمر چې ووژل شو، هم په تړاو یې سخت اختلافات راپورته شوي و چې ګنې هغه په مرموز ډول وژل شوی خو مشرانو یې ویل چې هغه په خپل مرګ مړ شوی دی.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply