طالبان د غریبو له خولې مړۍ تښتوي

سیدعبدالله پاچا

0 362

تازه هرات ولایت کې د طالبانو یو شمېر وسله والو هغه مرستې نیولي او د غنیمت مال یې ګڼلی چې ځینو مرستندویه بنسټونو او افغان دولت د بې وزله خلکو لپاره ځانګړې کړې وې چې څو ورځ یې پرې ښې شي.

طالبانو څو ورځې وړاندې د هرات ګلران ولسوالۍ کې هغه موټر نیولي چې مرستې پکې بار وي او د غریبو خلکو لپاره وړل کیدلې چې جګړې سخت ځپلې او له جدي مشکل سره مخ دي.

طالبانو ځآیي قومندانانو او وسله والو دا مرستې خپل منځ کې ویشلي او د غریبو خلکو دې حق ته یې د غنیمت نوم ورکړی دی.

دا لومړی ځل نه دی چې طالبان هغه مرستې غلا کوي او خپل منځ کې یې ویشي چې د اړمنو لپاره ځانګړې شوې وي.

دا مرستې ځینې افغان دولت د خپل مسوولیت له مخې کوي او ځینې خیریه بنسټونه او نړیوالې موسسې یې د فقر د کمولو لپاره کوي.

خو دا چې طالبان د خلکو په وینو ایسار نه دي، نو مالونه خو به یې خود غنمیت ګڼي او هر ځای یې چې په توان پوره شي، غلاوې کوي.

تر دې وړاندې بیا طالبانو بل ډول باندې مرستې حیف و میل کړي او د ویش پر مهال یې خپل وسله وال د غریبو په لیستونو کې نیولي وي او هغه کسان چې مستحق دي، مرستې ورته نه رسیږي.

فقر او بې وزلي زیات په هغو سیمو کې ده چې طالبان پکې فعالیت لري، لامل دا دی چې طالبانو خلک دندو او کار ته نه پریږدي او یواځې د ځمکو حاصلات د خلکو اړتیاوې نه شي پوره کولی.

خو کله چې نړیوالې موسسې او افغان دولت دې سیمو ته مرستې لیږي، طالبان په مسوولینو فشار راوړي او ګواښ ورته کوي چې مرستې به د دوی په خوښه د دوی په لیستونو باندې ویشي.

د طالبانو لیستونو کې مستحق خلک بې برخې پاتې کیږي او دوی خپلو کورنیو او وسله والو ته ویشي چې تر ټولو زیاته ناانصافي او ظلم دی.

طالبانو وسله د همدې لپاره اخیستې چې د ټوپک په زور باندې له خلکو پيسې واخلي، د خلکو وینه توی کړي او په بدل کې یې پيسې واخلي او داسې نور ډير…

طالب د دې وطن او خلکو لپاره په سرطان بدل شوی او د اسلام په نوم باندې داسې کارونه کوي چې هیڅ دین او مذهب کې نه وي.

طالبان د مرستو د پټیدو او حیف و میل کیدو تر څنګ ټولګټو پروژو کې هم زیاتې پيسې له قراردادي شرکتونو اخلي او تر هغې اجازه نه ورکوي چې تر څو یې له قراردادیانو پيسې نه وي اخیستي.

طالب د هرې ورځې په تیریدو سره خپل اصلیت په ډاګه کوي او خلک د هرې ورځې په تیریدو د طالب اصلیت پيژني چې هیڅ جهاد او اسلام نشته یواځې د فساد لپاره یې جګړه پيل کړې او خلک وژني.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply