طالبانو بیا په مدرسو تمرکز زیات کړی

عبدالمنان توحیدیار

0 348

د دوحې له تړون وروسته چې امریکا او طالبانو لاسلیک کړ، طالبان د جګړې د بشري قوې له کمښت سره مخ شوي دي.

دا څه لاملونه لري چې طالبان د جګړې په لیکو د کسانو له کمښت سره مخ دي.

د طالبانو وسله وال چې کلونه یې جګړه وکړه، لوږې او تندې او زندانونه یې تېر کړل، اوس مالومه شوه چې دا جګړه د واک او امتیازاتو جګړه وه او خلک تیر ایستل کیدل چې د خدای په لار کې جګړه ده.

وسله والو ولیدل چې مشران یې د دوی پر سر معامله کوي او هر کله چې د مشرانو ګټې یې خوندې شوې، همغه ورځ باندې جګړه بس کوي، خو که یې شخصي ګټې خوندې نه وې، جګړه دوام پيدا کوي.

د طالبانو وسله والو او نوي جذب کیدونکو کسانو ولیدل چې مشرانو یې له امریکا سره هوکړه وکړه او له خپلو افغانانو سره جګړو ته دوام ورکوي.

طالب مشرانو کلونه خپل وسله وال په دې تیر ایستل چې امریکا اشغال کړی او باید تر هغې جګړه وشي چې بهرني ځواکونه له افغانستان ووځي، اوس چې بهرني ځواکونه یا وتلي او یا ورسره د وتلو هوکړه شوې، او جګړې دوام پيدا کړی، له طالب وسله والو سره پوښتنه ده چې دا جګړه د څه لپاره ده.

طالب مشرانو یې خپلو وسله والو ته ویلي چې پر امریکايي ځواکونو بریدونه و نه کړي او خپل افغانان په نښه کړي، همدا د پوښتنې وړ خبره ده چې څنګه اشغالګر په افغانستان کې خوندي او خپل افغانان خوندي نه دي.

له همدې کبله زیاتو وسله والو وسله کيښوده، له جګړې یې لاس واخیست او په افغانستان کې ډیر هغه کسان چې طالبانو لیکو ته جذب کولی شول، اوس یې نه شي جذب کولی، دا ځکه چې طالبان نور د جګړې د دوام لپاره دلیل نه لري، نه د اسلام له نظره او نه د کوم بل نظره.

طالبانو اوس یو ځل بیا د پاکستان مدرسو او ښوونځیو ته مخه کړې، هغه مدرسې او ښوونځي چې افغان مهاجرین پکې زده کړې کوي، طالبانو په ډير چل او فریب باندې تبلیغات پيل کړي، چې نوي تنکي ځوانان تیر باسي او افغانستان ته یې د جګړې لپاره ولیږي.

له طالبانو سره په دې برخه کې ای ایس ای ډيره همکاره ده او په ځانګړي ډول هغه په اصطلاح دیني علماء یې د تبلیغاتو لپاره ګمارلي چې د پاکستان د استخباراتو مامورین دي او مدرسو او ښوونیزو مرکزونو باندې نفوذ لري.

دا کسان ډير په مهارت مدرسو او نورو ښوونیزو مرکزونو باندې ګرځي چې افغانان پکې زده کړې کوي، دوی په بیلابیل ډول ځوانان هڅوي چې افغانستان کې جګړې وکړي او د شرعي نظام د رامنځ ته کیدو په پلمه پرې خپلې ګټې خوندي کوي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply