له طالبانو د جلا شوي کس کیسه

عبدالمنان توحیدیار

0 484

لغمان کې یو کس چې له طالبانو سره یو ځای شوی و، بیرته یې د طالبانو لیکې پريښې او عادي ژوند یې پيل کړی دی.

دا کس د طالبانو تر فریبانه تبلیغاتو لاندې راغلی و چې په ډير مهارت جذب شوی و، خو کله چې د طالبانو مرکزونو ته تللی و، هلته وضعیت تر هغې بدل و چې دی يې په کومو خبرو جذب کړی و.

دا کس چې نوم یې نه دی ښودلی، خپله کیسه کړې چې طالبانو په مرکزونو کې اخلاقي فساد و، کم عمره هلکان و او هر څه یې په خپلو سترګو لیدلي دي.

د دې کس د بیرته راستنیدو یو لامل دا و چې د طالبانو مشورتي ناستو کې یې اوریدلي چې د ملکي وګړي دې په تنګ شي چې له سیمو ووځي او کورونه یې دوی ته پاتې شي.

دغه راز طالبانو خپلو مشورتي ناستو کې خپلو وسله والو ته سپارښتنې کولې چې د جګړې پر مهال دې کلیو کې ملکي وګړي وژني او تپيان کوي او بیا دې مسوولیت پر دولتي ځواکونو اچوي.

مشورتي ناستو کې دغه راز ویل شوي چې د کلیو دې پر افغان ځواکونو بریدونه وشي، چې د هغوی مقابل برید کې ملکي وګړو ته مرګ ژوبله واوړي چې افغان ځواکونه د خلکو پروړاندې ملامت شي.

دا کس کیسه کوي چې د سهار لمر ته راټول شویو د طالبانو یوې ډلې حتا په دې بحث کو چې د جګړې لپاره باید پيسې او امکانات له خلکو واخیستل شي او که چا انکار کو، و دې وژل شي.

دوی د عشر او زکات په نوم باندې له خلکو پيسې ټولولې او بیا یې دا پيسې خپل منځ کې سره ویشلې.

دا کس چې طالبانو یې ډير ژر خپله لار جلا کړې وايي، چې د طالبانو جګړه یو کاروبار او سوداګري ده او بل هیڅ لامل نه لري.

کس ، کیسه کوي چې طالبانو لیکو کې تر ډيره هغه بې روزګاره او بې سواده خلک راټول شوي چې حتا د خپلې کورنۍ په درد هم نه خوري او یواځې د دې لپاره چې د جیب خرڅ پيدا کړي د طالبانو لیکو کې جګړې کوي.

دې کس ویلي چې د طالبانو لیکو کې یې داسې څه په خپلو سترګو لیدلي چې حتا انسانیت پرې شرمیږي، اسلامیت خو لیرې خبره ده.

یواځې هغه ډلې چې طالبانو سره یې ګټې خوندي دي د طالبانو جګړې توجیه کوي، نور خلکو هر څه په خپلو سترګو لیدلي چې طالبانو لیکو کې څوک جګړې کوي او دا جګړې د څه لپاره کوي.

طالبانو د اسلامیت او انسانیت ټولې پولې نړولي او هر هغه کار کوي چې یواځې دوی ته پکې امتیازات او پيسې لاس ته ورشي.

دا د یو جلا شوي طالب کیسه وه، چې د یوې سیمې او یوې ډلې د څو ورځو حالت یې بیان کړی و، داسې زرګونه کیسې شته چې د طالب اصلي څېره بیان کولی شي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply