د تبلیغاتي جګړې سرلاری

نویداحمد څرک

0 381

عبدالحی مطمیین چې د طالبانو ریژیم کې د ملا محمد عمر اخند ویاند و او رسنیو سره به یې خبرې کولې، څو ورځې وړاندې پاکستان کې مړ شو.

د مطمیین د مرګ لامل د کرونا وایروس یادیږي، خو هر کله چې کوم طالب چارواکی پاکستان کې مړ شي، د پلټنو او ګرویږنو اجازه یې نه ورکول کیږي چې پوه شي، کس په څه شي مړ شوی دی.

خو اوس نسبي منل شوې چې عبدالحی مطمیین د کرونا ناروغي له کبله مړ شوی او هملته خاورو ته سپارل شوی دی.

طالبان حتی خپله خاوره کې د قبر کیندلو ځای نه لري، خو بیا په افغانستان کې د ۷۰ سلنه خاوري د حاکمیت دعوه کوي.

د طالبانو اکثریت مشران چې پاکستان کې مړه کیږي، وژل کیږي، هملته خاورو ته سپارل کیږي.

د ځینو خو ان وصیت همدا وي چې پاکستان کې دفن شي، لامل یې دا دی چې دې خلکو کلونه د پاکستان د ګټو لپاره افغانان وژلي او د پاکستان خاوره ورته خپله د پلار نیکه خاوره ښکاریږي.

عبدالحی مطمیین د طالبانو د تبلیغاتي جګړې مسوول و او د پاکستان بیلابیلو سیمو کې به یې خلک په فریبانه تبلیغاتو باندې تیرویستل.

مطمیین له دې درکه افغانستان د جګړې لپاره زیات خلک جذب کړي و، پست او بې شرفه تلبغات به یې د حکومت ضد کول او خلک به یې د اوسني نظام پرضد جګړې ته هڅول.

د عبدالحی مطمیین د ماموریت په راس کې د پاکستان د استخباراتي ادارو مشران و او هغوی د تبلیغاتو لپاره ځانګړي امکانات او ټیمونه ورکړي و چې د افغان حکومت ضد تبلیغات وکړي.

حتی دوی ځانګړې ویډیو ګانې او تصویرونه جوړول چې د خلکو احساسات وپاروي او جګړې ته تشویق شي.

دا هر څه دومره اسانه نه و، خو دا چې عبدالحی مطمیین سره پوره ټیم او امکانات و، زیات تبلیغات یې کول او دا تبلیغات به یې هغو سیمو ته لیږل چرته چې د جګړې لپاره بشري قوه برابریدلی شوه.

راپورونه وایي، چې ډیر کله به عبدالحی مطمیین پيښور او کویټه کې د پاکستان هغو مدرسو ته تللو چې افغانانو پکې زده کړې کولې.

مطمیین به هلته د مدرسې طالبانو ته ځینې جوړې شوې ویډیوګانې او تصویرونه ښودل چې افغان ځواکونو نامردي په کې ښکاره کیدله او د ظلم او ستم کیسې به یې کولې، خو اصل کې دا تصویرونه او ویډیوګانې جوړې شوې وې.

طالبان به د دې هر څه حساب ورکوي، د دوی خو ضمیرونه لا پخوا مړه شوي، خو د حساب کتاب ځای شته، یا په دې دنیا او یا په هغې دنیا.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply