طالبانو خلک د سولې له پروسې ناهیلي کړي

سید عبدالله پاچا

0 487

د سولې د خبرو له پيل سره تمه وه چې اوربند به وشي، جګړې کې به کموالی راشي، خو جګړه او تاوتریخوالی زیات شوی او د سولې خبرې په ټپه ولاړې دي.

د جمهوریت مذاکراتي پلاوی دوحه کې ناست دی، خو طالبان حاضر نه دي چې د سولې خبرې وکړي.

د اسلامي جمهوریت پلاوی په دوحه کې منتظر دی، تر څو د سولې مذاکرات مخ ته یوسي، خو طالبان میز ته نه حاضریږي چې پر سوله بحثونه وکړي.

د افغانستان اسلامي جمهوریت پلاوی دا مهال په دوحه کې له بهرنیو همکارانو او سولې پروسه کې موثر هېوادونو له استازو سره خبرې او بحثونه کوي.

دغه راز پلاوی په افغانستان کې هم له بیلابیلو قشرونو سره ویډیو کنفرانس له لارې خبرې کوي او د ټولو ګډونوالو غوښتنه ده چې خبرې دې یوې پایلې ته ورسیږي.

افغانان په تمه و چې د سولې خبرو له پيل سره به یا اوربند وشي او یا به جګړه ختمه شي، خو اوسني راپورونه ناهیلي کوونکي دي چې طالبان خبرو ته نه حاضریږي.

د مالوماتو له مخې، د طالبانو او امریکا ترمنځ له هوکړې وروسته جګړه او تاوتریخوالی زیات شوی چې ورسره مرګ ژوبلې ګراف هم لوړ شوی دی.

افغانان د دې شاهد دي چې هره ورځ د افغانانو وینه توی کیږي، دا وینه تویدنه یواځې د خبرو له لارې حل کیدلی شي، خو دا چې جګړه کې بهرني استخبارات ښکیل دي، د سولې د خبرو مخه نیسي.

طالبان ملامت کیږي چې د سولې خبرو لپاره یې تراوسه هیڅ ګام نه دی اخیستی چې د دوی نیت وښيي، خو افغان حکومت ډير ګامونه اخیستي او ښه نیت یې ښودلی دي.

افغان حکومت لومړی اوربند کړی او که طالبان بیا اوربند وکړي، بیا هم حکومت اوربند کوي.

افغان حکومت د طالبانو ۵۵۰۰ زندانیان ازاد کړل، د سولې مشورتي لویه جرګه یې راوبلله، د مذاکرتو لپاره یې پلاوی دوحې ته ولیږه، ځواکونه یې دفاعي حالت کې کړل.

 خو طالبانو هیڅ نه دي کړي، چې د سولې پروسې ته د طالبانو نیت ډاګیز کړي.

اوسني وضعیت کې افغانان سخت ناهیلي دي، هغه تمې چې د سولې خبرو ته وې، اوس چې دا خبرې ځنډیدلي او جګړه زیاته شوې، د خلکو هیلې د سولې له خبرو نشته.

نو ویلی شو چې طالبانو د خلکو هغه هیلې خاورې کړې چې د سولې پروسې ته یې درلودلې، ځکه دا ډله د جګړې لپاره راپورته شوې او هیڅ د سولې اراده نه لري.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply