ټولګټي تاسیسات په قیمت ورانیږي

سیدعبدالله پاچا

0 699

راپورونه ښيي چې تازه پاکستان طالبانو او په ځانګړي ډول حقاني شبکې ته نوی پکیج وړاندې شوی چې هر ځای پل او پلچک وران کړي، په بدل کې به یې نغدي پيسې ورکول کیږي.

د پاکستان استخباراتو طالب قومندانانو ته د هر ټولګټي ځای په بدل کې نغدې پيسې منلي او هر چا چې ډير پلونه او پلچکونه وران کړل، هم هغومره ډيرې پيسې ترلاسه کوي.

د مالوماتو له مخې، د پاکستان استخباراتو په هر وړوکي پلچک چې په سړک وي، ۱۰زره امریکايي ډالر او هر لوی پل باندې ۵۰ زره امریکايي ډالر منلي دي.

له دې پکیج وروسته د میدان وردګ چک ولسوالۍ کې د حقاني شبکې یو قومندان دوه پلچکونه وران کړي او سړک یې د خلکو په مخ بند کړی دی.

د حقاني شبکې دې قومندان د دوه پلچکونو په ورانولو سره ۲۰ زره امریکایي ډالر له پاکستان څخه ترلاسه کړي دي.

پخوا چې طالبانو د جهاد او ثواب لپاره پلونه، پلچکونه او نور عامه تاسیسات ورانول، اوس خو یې د پيسو لپاره خامخا ورانوي.

افغان دښمنه هېوادونه پوهیږي چې ترهګرو ته چې لږې پيسې هم ورکړې، انسانان درته وژني، دا خو لا عامه ځایونه دي.

د پاکستان استخبارات دا کار د دې لپاره کوي چې خلک ژوند کې تنګ کړي او هغه نسبي بیارغونه چې تیرو کلونو کې شوې، یو ځل بیا ویجاړه کړي.

د پاکستان استخبارات دې پایلې ته رسیدلي چې د طالبانو د فعالیت په سیمو کې بیا رغونه اسانه نه ده او که ټولګټې ځایونه پکې وران شي، نو خلکو باندې به ژوند سخت شي او دوی به یې د خپلو ګټو لپاره وکاروي.

که تاسو هرات یا کندهار ته تللي یاست، لیدلي به مو وي چې پر دې لویه لار له طالبانو هیڅ پل او پلچک پاتې نه دی چې دوی په بمونو نه وي الوځولی.

طالبانو ورانۍ او ویجاړۍ ته کار ویلی او تیرو کلونو کې یې د میلیاردونو ډالرو ټولګټې ځایونه ویجاړ کړي دي.

اوس چې پاکستان د هرې ابادۍ د ورانولو پر سر طالبانو ته پيسې منلي، داسې ښکاري چې د طالبانو دا فعالیت به څو چنده شي او هر ځای کې به د ټولګټو ځایونو ورانیدو لپاره پلمې پيدا کوي او له منځه به یې وړي.

دا ښکاره ده چې د طالبانو جګړه د پيسو او شخصي امکاناتو لپاره ده او کله چې کومه ډله د خلکو د وژلو لپاره پلمې پيدا کوي، وینه کوي، تاوتریخوالی کوي، نو بیا عامه ځایونو ورانولو ته هم توجیه پیدا کوي او فتوا ورته راوباسي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply