ګمرک که باج ګیري

عبدالمنان توحیدیار

0 654

طالبان یو شمېر هغو سیمو کې له سوداګرو څخه د ماليې په نوم باجګیري کوي چې له ډيورنډ کرښې څخه تګ راتګ کوي.

د ګمرک په نوم د طالبانو دا پاټکونه، جنوبي او جنوب ختیځ ولایتونو کې دي چې سوداګر یې سخت تنګ کړي دي.

دا له ډيرو کلونو راهیسې دوام لري، چې ځینو سیمو کې سوداګرو لارې بدلې کړي او هڅه کوي چې طالبانو له باجګیري ځانونه خلاص کړي.

د ګمرک پيسې او یا مالیه هغه چاته یا هغو حکومتونو ته ورکول کیږي چې بدل کې ورته خدمات وړاندې کوي.

خو طالبان د دې لپاره هم توجیه پيدا کوي، لویو لارو کې یې پاټکونه جوړ کړي او ګمرک او محصول په نوم باندې له خلکو په زور پيسې اخلي.

افغان حکومت هر ولایت کې حکومتولي لري، خدمات وړاندې کوي او د خدماتو په بدل کې ورڅخه محصول، مالیه او ګمرک اخلي.

تازه راپورنه دي چې د پاکستان د استخباراتو او پوځ په همکارۍ طالبانو ته طرحه ورکول شوې چې ډيورنډ کرښې ته نږدې سیمو کې پاټکونه جوړ کړي او د دوه اړخیزه سوداګرۍ څخه باج ترلاسه کړی.

د کندهار ارغستان او شورابک او د هلمند بهرامچه کې د طالبانو له لوري د ګمرک په نوم نوي پاټکونه جوړ شوي چې له سوداګرو په زور باندې پيسې اخلي او دا پيسې د څو کسانو شخصي جیبونو ته ځي.

د پاکستان پوځ او استخباراتو طالبانو ته ډاډ ورکړی چې د پاټکونو امنیت کې دوی ورسره همکاري کوي او دوی دې یواځې له سوداګرو او بار وړونکو موټرو څخه پيسې ټولې کړي.

طالب په هيڅ کار باندې ایسار نه دی چې دوی ته پکې شخصي پيسې لاس ته ورځي، طالب په کلیو کې د عشر او زکات په نوم هم له خلکو باج ټولوي.

طالب د خلکو لپاره سرطان ګرځیدلی چې نه ترې خلک رغیږي او نه یې درملنه کیږي.

په اکثریت سیمو کې د طالبانو قومندانان او وسله والو د دې لپاره وسله اخیستې چې پيسې پيدا کړي.

نور خو ټولې نړۍ د افغانستان جګړه ناروا یاده کړې او هیڅ توجیه او دلیل نشته چې دې جګړې ته مشروعیت ورکړي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply